ବ୍ୟବହାରକାରୀଙ୍କ ଆଲୋଚନା:MKar

ଉଇକିପିଡ଼ିଆ ରୁ
ସିଧାସଳଖ ଯିବେ ଦିଗବାରେଣିକୁ, ଖୋଜିବେ

ମିଳିପାରେ

ଶିରୋନାମ ଲେଖା[ସମ୍ପାଦନା]

ପୁରୁଣା ଆଲୋଚନା: ୨୦୧୧ | ୨୦୧୨ | ୨୦୧୩ | ୨୦୧୪ | ୨୦୧୫ | ୨୦୧୬ | ୨୦୧୭

ପ୍ରସଙ୍ଗ ସଂଖ୍ୟା ଓ ଗୁଣବତ୍ତା ବାବଦରେ[ସମ୍ପାଦନା]

ଶ୍ରର୍ଧେୟ କର ବାବୁ , ଆପଣ କହିଥିବା କଥା ଠିକ । ମୁ ନିଜେ ସେ ବିଷୟ ରେ କହିଛି । ମୋ ଅନୁବାଦ ରେ ବନାନ ଗତ ଭୁଲ ଅନେକ ରହୁଛି । ମୁ ତାହା ନିଜେ ଜାଣିଛି । ତେବେ ବର୍ତମାନ ବେସ କିଛି ସଂଖ୍ୟା ର ଅନୁବାଦ ଓଡିଆ ଭାଷା କୁ ଆଣିବାକୁ ଚେଷ୍ଟା କରିଛି । ଟେକନିକାଲ ବିଷୟ ( ଢାଞ୍ଚା ) ବିଷୟ ରେ ମୋର ଜ୍ଞାନ ନାହି । ମୁ ସେ ଦିଗରେ ଦ୍ରୁଷ୍ଟି ଦେଇ ନାହି । ତେବେ କିଛି ମୂଳ ଇଂରାଜୀ ପ୍ରସଙ୍ଗ ଅନୁବାଦ କଳା ବେଳେ ଆଧାର ଯୋଡିବାକୁ ଚେଷ୍ଟା କରିଛି । ମୁ ଆପଣଙ୍କୁ ଯାହା କହିଥିଲି , ମୁ ସମସ୍ତ ଅନୁବାଦ କୁ ନିଜେ ଦେଖି ତାହାର ସଂଶୋଧନ ସହ କାୟା ବର୍ଦ୍ଧନ ଓ ଆଧାର ସଂଯୋଗୀକରଣ କାମ ନିଶ୍ଚୟ କରିବି । ଅନୁଭବ ବିଶେଷ ଭାବରେ ହେଲା ପରେ ଓଡିଆ ଭାଷା ରେ ନଥିବା ଦରକାରୀ ପ୍ରସଙ୍ଗ ଗୁଡିକ ମୂଳ ଭାବରେ ନିଶ୍ଚିତ ଭାବରେ କରି ଏହାର ଉନ୍ନତି କରିବାକୁ ମୋର ଉଦ୍ୟମ ଜାରି ରହିବ । ମୁ ଯାହା ଲକ୍ଷ୍ୟ କରୁଛି ଅଧିକାଂଶ ମୂଳ ପ୍ରସଙ୍ଗ ର ଉପସ୍ଥାପନା ୱିକି ଷ୍ଟାଣ୍ଡାର୍ଡ ଅନୁସାରେ ନାହି , ଅନେକ ପ୍ରସଙ୍ଗ ଅସମ୍ପୂର୍ଣ , ତଥା ଆଧାର ବିହୀନ । ତାକୁ ସମ୍ପୂର୍ଣ କରିବା ଏକ ବିରାଟ କାର୍ଯ୍ୟ । କିନ୍ତୁ ଆମେ ଓଡିଆ ପ୍ରକଳ୍ପ ସମ୍ପୂର୍ଣତା ସହ କରିପାରିବା । ମୁ ବର୍ତମାନ ସୁଦ୍ଧା କେବଳ ନିଷ୍ଠା ବାବୁ ଙ୍କୁ ସମ୍ବଲପୁର ରେ ଭେଟିବା ଛଡା କାହା ସହ ଭେଟି ନାହିଁ ବା କିଛି କାର୍ମଶାଳା ଯାଇ ପାରିନାହିଁ । ମୁ ଏକ ଅଜଣା ବ୍ୟକ୍ତି ଭାବରେ ରହିଛି । ଶୁଣିଛି ମୋ ଲେଖା ରେ ୱିକି ଅନୁସାରେ ଗୁଣବତ୍ତା ରହିପାରୁନହି ବୋଲି କେତେକ ସମ୍ପାଦକ ଅଭିଯୋଗ କରିଛନ୍ତି । ତେବେ କେହି କିଛି ସେ ବିଷୟରେ ସୁଚେଇ ନାହାନ୍ତି କି, ମୋ ଆଲୋଚନା ଜରିଆ ରେ କିଛି ତ୍ରୁଟି ଦର୍ଶେଇବାରେ କେହି ଆଗ୍ରହ ନେଇ ନାହାନ୍ତି କି ମୁ ଖୁବ ବେସୀ ଅନୁବାଦ କରିଛି ବୋଲି ଉତଶାହିତ ମଧ୍ୟ କରି ନାହାନ୍ତି । ତେବେ ଯଦି ମୋର କାର୍ଯ୍ୟ ୱିକି ର ମାନ କୁ କମ କଳା ପରି ହଉଛି , ଆପଣଙ୍କୁ ଅନୁରୋଧ ତାହା ଜଣେଇବେ । ମୁ ଅନୁବାଦ କରିବା ବନ୍ଧ କରିବି ଓ ଅନ୍ୟ ମାଧ୍ୟମ ରେ ମୋର ଲେଖା ଜାରି ରଖିବି । ଧନ୍ୟବାଦ ।Susant purohit (ମୋ ଆଲୋଚନା) ୧୭:୫୫, ୫ ଜାନୁଆରୀ ୨୦୧୭ (IST)

ସାର ନମସ୍କାର, ମୁଁ ଆପଣଙ୍କ ସହ ଏକମତ, ଆପଣଙ୍କ ଚେଷ୍ଟା ଫଳରେ ହିଁ ଓଡ଼ିଆ ଉଇକିକୁ ୧,୦୦୦ରୁ ଅଧିକ ପ୍ରସଙ୍ଗ ଆସିଛି । ନୂଆ ଉଇକିଆଳି କାହାର ବି ଉଇକି ନୀତିପ୍ରସଙ୍ଗ ଲିଖନ ଶୈଳୀ (ଢାଞ୍ଚା) ବାବଦରେ ଜ୍ଞାନ ନଥାଏ (ମୋର ମଧ୍ୟ ନଥିଲା), ସମସ୍ତେ ଧିରେ ଧିରେ ଶିଖନ୍ତି (ମୁଁ ଏବେ ବି ଶିଖୁଛି)। ଆପଣ ଲମ୍ବାସମୟ ପର୍ଯ୍ୟନ୍ତ ଉଇକିରେ ସକ୍ରିୟ ରହି ଏହାକୁ ସମୃଦ୍ଧ କରିବାକୁ ଆଗ୍ରହୀ ଥିବାରୁ 'ପ୍ରସଙ୍ଗ ଲିଖନ ଶୈଳୀ' ବାବଦରେ ଜାଣିବାକୁ ଚେଷ୍ଟା କରିବା ଦରକାର, ସେ ଦିଗରେ ଦୃଷ୍ଟି ଦେବାକୁ ଅନୁରୋଧ ।
ଉଇକିର ବୈଷୟିକ (ଟେକ୍ନିକାଲ) ଦିଗ ବାବଦରେ ଅଧିକାଂଶ ଜାଣନ୍ତି ନାହିଁ ଓ ସତ କହିବାକୁ ଗଲେ ଏସବୁ ଜାଣିବା ବି ନିତାନ୍ତ ଆବଶ୍ୟକ ନୁହେଁ । ମୁଁ ନିଜେ ଉଇକିର ବୈଷୟିକ ଦିଗ ବାବଦରେ ବିଶେଷ ଜାଣେନାହିଁ ତେଣୁ ବୈଷୟିକ ସମସ୍ୟା ଗୁଡ଼ିକୁ, ବିଦେଶୀ ଉଇକିଆଳିଙ୍କ ସମେତ ଜ୍ଞାନରଞ୍ଜନ, ଶିତିକଣ୍ଠ, ଶୁଭାଶିଷ, ଶ୍ରୀକାନ୍ତଅଂଶୁମାନ ଆଦି ବିଶେଷଜ୍ଞ ଓଡ଼ିଆ ଉଇକିଆଳିଙ୍କ ସହଯୋଗରେ ସମାଧାନ କରିଥାଏ । ଅତୀତରେ ସେମାନଙ୍କ ଜ୍ଞାନ ଓ ଅଭିଜ୍ଞତାରୁ ମୁଁ ଅନେକ ଲାଭ ପାଇଛି ଓ ସେମାନଙ୍କ ଅକୁଣ୍ଠିତ ସହଯୋଗ ମୁଁ କେବେ ଭୁଲିପାରିବିନି । ଦରକାର ପଡ଼ିଲେ ଆପଣଙ୍କୁ ସାହାଯ୍ୟ କରିବାକୁ ସେମାନେ ପଛେଇବେନି ବୋଲି ମୋର ଆଶା ତଥା ବିଶ୍ୱାସ ।
ଆପଣ ତିଆରି କରୁଥିବା ସବୁ ପ୍ରସଙ୍ଗରେ ଜମା ଆଧାର ନାହିଁ ବୋଲି ମୁଁ ଲେଖିନି, ସେଥିମଧ୍ୟରୁ କେତେକ ପ୍ରସଙ୍ଗରେ ଜମା ଆଧାର ନଥିବା ବେଳେ କେତେକ ପ୍ରସଙ୍ଗରେ ଫାଙ୍କା ଅଧାର ଥିବା କଥା ଲେଖିଥିଲି । ୧୦୦୦ ପ୍ରସଙ୍ଗ ତିଆରି କରିବାପରେ ଅନୁବାଦ କରି ପ୍ରସଙ୍ଗ ତିଆରି କରିବା ବାବଦରେ ଆଉ ଅଧିକ ଅନୁଭବ ବର୍ତ୍ତମାନ ପାଇଁ ଦରକାର ନାହିଁ ବୋଲି ମୁଁ ଓ ଅନ୍ୟ କିଛି ସାଥି ଉଇକିଆଳି ଭାବୁଛୁ ତେଣୁ ଏବେ ପ୍ରସଙ୍ଗ ତିଆରି ବଦଳରେ ସଂଶୋଧନ ଦିଗରେ ଉଦ୍ୟମ କରିବାକୁ ଅନୁରୋଧ କରିଥିଲି ଓ ପୁଣିଥରେ ଅନୁରୋଧ କରୁଛି । ନିଜେ ଓ ଅନ୍ୟମାନେ ଲେଖିଥିବା ପୁରୁଣା ପ୍ରସଙ୍ଗ ସଂଶୋଧନ କଲେ ହିଁ ଆପଣ ପ୍ରସଙ୍ଗ ଲିଖନ ଶୈଳୀ ବାବଦରେ ଅଧିକ ଜାଣିପାରିବେ ଓ ଆପଣଙ୍କ ଅଭିଜ୍ଞତା ବଢ଼ିବ। ମୋର ଯାହା ଅନୁମାନ ଆପଣ ତିଆରି କରିଥିବା ୧୦୦୦ ପ୍ରସଙ୍ଗର ଉଇକିକରଣ ନିମନ୍ତେ ଅତି କମରେ ଏକବର୍ଷ ଲାଗିବ ।
ଉଇକିରେ ଥିବା ଅସମ୍ପୂର୍ଣ୍ଣ ତଥା ଆଧାର ବିହୀନ ପ୍ରସଙ୍ଗ ବାବଦରେ ଆପଣ ଲେଖିଥିବା କଥା ପୂରା ଠିକ । ତେବେ ଆପଣଙ୍କ ଆଖିରେ ପଡୁଥିବା ସେଭଳି ଉଇକିକରଣ ଆବଶ୍ୟକ ହେଉଥିବା ପ୍ରସଙ୍ଗ ଗୁଡ଼ିକର ଗୋଟେ ତାଲିକା କରି ସେଥିରେ କେଉଁ କେଉଁ କାମ (ବର୍ଣ୍ଣାଶୁଦ୍ଧି/ ଆଧାର/ ଶ୍ରେଣୀ/ ଅଧିକ ତଥ୍ୟ/ ସଜାଣି/ ତଥ୍ୟପେଡ଼ି/ ଯୋଗସୂତ୍ର ପେଡ଼ି) ବାକି ଅଛି ଲେଖି ରଖିଲେ ସଂଶୋଧନ କରି ସମ୍ପୂର୍ଣ୍ଣ କରିବାକୁ ସୁବିଧା ହେବ । ମୁଁ ନିଜେ ସେପରି ପରିଚାଳନାଗତ ବାକିଆ କାମର ଗୋଟେ ତାଲିକା ଓ ବ୍ୟକ୍ତିଗତ ଭାବେ ସାରିବାକୁ ଥିବା ଅସମ୍ପୂର୍ଣ୍ଣ କାମର ଗୋଟିଏ ତାଲିକା କରିଛି ଓ ସେସବୁରୁ ପ୍ରତିଦିନ କିଛି କିଛି କାମ କରୁଛି ।
ଆପଣ ଭୁବନେଶ୍ୱରରେ ରହୁଥିଲେ ମଧ୍ୟ ଅନ୍ୟ ଉଇକିଆଳିଙ୍କ ସହ ଆଜିପର୍ଯ୍ୟନ୍ତ ଆପଣଙ୍କ ଭେଟ ହେଇପାରିନାହିଁ, ପ୍ରକୃତରେ ଏହା ଏକ ଆଶ୍ଚର୍ଯ୍ୟର ବିଷୟ । ତେବେ ଭୁବନେଶ୍ୱରରେ ରହୁଥିବା ଉଇକିଆଳିମାନେ ପ୍ରତ୍ୟେକ ମାସର ଦ୍ୱିତୀୟ ରବିବାର ଏକାଠି ହେଇ ବିଭିନ୍ନ ଉଇକି ପ୍ରକଳ୍ପ ବାବଦରେ ଆଲୋଚନା କରନ୍ତି ଓ ପରସ୍ପରଠାରୁ ଅନେକ କଥା ଶିଖନ୍ତି । ପୁରୁଖା ଉଇକିଆଳି ସୁବାସ ସାର ଜଣେ ଅବସରପ୍ରାପ୍ତ ଡାକ୍ତର, ଆପଣ ତାଙ୍କୁ ପ୍ରାୟ ଅଧିକାଂଶ ଦିନ ଦେଖାକରିପାରିବେ । ମୁହାଁମୁହିଁ ଦେଖା-ସାକ୍ଷାତ ହେଇନଥିଲେ ମଧ୍ୟ ଆପଣ ଅନେକ ଉଇକିଆଳିଙ୍କ ସହ ଟଳିଫୋନ ମାଧ୍ୟମରେ ଚିହ୍ନାପରିଚୟ ହେଲେଇଣି, ତେଣୁ ଆପଣ ଆଉ ଅଜଣା ବ୍ୟକ୍ତି ନୁହନ୍ତି, ଆମ ପରି ଜଣେ ଓ ଆମ ଭିତରୁ ଜଣେ । ଅନ୍ୟ ଉଇକିଆଳିମାନେ ଆପଣଙ୍କ ଭଳି ଜଣେ ସକ୍ରିୟ ଉଇକିଆଳିଙ୍କୁ ଦେଖା କରିବା ନିମନ୍ତେ ଆଗ୍ରହର ସହ ଅପେକ୍ଷା କରି ରହିଛନ୍ତି ।
ଆପଣଙ୍କ ସଂଖ୍ୟାବହୁଳ ପ୍ରସଙ୍ଗର ଗୁଣବତ୍ତା ବାବଦରେ ଅନ୍ୟ ସମ୍ପାଦକଙ୍କ ଅଭିଯୋଗକୁ ଆପଣ କିପରି ଗ୍ରହଣ କରିବେ ତାହା ଆପଣଙ୍କ ଉପରେ ନିର୍ଭର କରେ । ଅଭିଯୋଗ ଶବ୍ଦକୁ ଆପଣ କେଉଁ ଅର୍ଥରେ ବ୍ୟବହାର କରୁଛନ୍ତି ତାହା ଗୁରୁତ୍ଵପୂର୍ଣ୍ଣ । ସାଥୀ ଉଇକିଆଳିଙ୍କ ଅଭିଯୋଗକୁ ମୁଁ ସର୍ବଦା ଏକ ସୁଯୋଗ ଭାବେ ଦେଖିଥାଏ; ନିଜ ଭୁଲ ବାବଦରେ ଅବଗତ ହେବା ସହ ନୂଆ କିଛି ଶିଖିବାର ଓ ମୋ ପକ୍ଷ ରଖିବାକୁ ସୁବିଧା ପାଏ । ଅତୀତରେ ଉଇକିଆଳି ଶିତିକଣ୍ଠ, ନିଷ୍ଠାରଞ୍ଜନ, ଶୁଭାଶିଷ ଓ ଅନ୍ୟ ଉଇକିଆଳିମାନେ ମୋର କେତେକ ନିଷ୍ପତ୍ତି ଓ କାର୍ଯ୍ୟଶୈଳୀ ଉପରେ ପ୍ରଶ୍ନ ଉଠାଇ ଅଭିଯୋଗ କରିଥିଲେ, ସେତେବେଳେ ମୁଁ ତଥ୍ୟଗତ ପ୍ରମାଣ ଓ ଉଦ୍ଦେଶ୍ୟ ବାବଦରେ ସେମାନଙ୍କୁ ଅବଗତ କରାଇବା ସହ ଅନେକ ନୂଆକଥା ଶିଖିବାର ସୁଯୋଗ ପାଇଥିଲି । ଉଇକି ଏକ ଖୋଲା ଜ୍ଞାନକୋଷ ହେଇଥିବାରୁ ଉପଯୁକ୍ତ ପ୍ରଶ୍ନ ପଚାରିବାର ଅଧୀକାର ସମସ୍ତଙ୍କର ରହିଛି ଓ ଆମେ ସେସବୁର ଯୁକ୍ତିଯୁକ୍ତ ଉତ୍ତର ଦେବା ଉଚିତ । ପ୍ରକୃତରେ ସେମାନେ ନିଜ ଅଙ୍ଗେନିଭା କଥା କହୁଛନ୍ତି; ସୁକାନ୍ତ ସରକାର, ୨୦୧୨ ମସିହାରେ ତିଆରି କରିଥିବା ସ୍ଵାମୀ ରଙ୍ଗନାଥାନନ୍ଦ, କର୍ମ ଯୋଗରାମକୃଷ୍ଣ ଲୀଳାପ୍ରସଙ୍ଗ ଆଦି ଅନେକ ପ୍ରସଙ୍ଗରେ ଏପର୍ଯ୍ୟନ୍ତ ଗୋଟିଏ ବି ଆଧାର ଯୋଡ଼ା ହେଇନି ଏଥିରୁ ଜାଣିପାରୁଥିବେ ସେମାନଙ୍କ ଅଭିଯୋଗ ଭିତ୍ତିହୀନ ନୁହେଁ ।
୨୬ ସେପ୍ଟେମ୍ବର ୨୦୧୬ରେ ଆପଣ ଉଇକିଆଳି ଆଦିତ୍ୟଙ୍କୁ ଲେଖିଥିଲେ କିଛି ଭୁଲ ରହୁ ପଛେ ଦ୍ରୁତ ଗତି ରେ କିଛି ଅବଦାନ ଦେଇ ପରେ ସେହି ବନାନ ଗତ ଭୁଲ ତ୍ରୁଟି କୁ ନିଜେ ସୁଧାରିବାର ଯୋଜନା ରଖିଛି । ଆପଣଙ୍କ 'କିଛି ଅବଦାନ'ରେ ପ୍ରସଙ୍ଗ ସଂଖ୍ୟା କିମ୍ବା ସମୟ ସୀମା ବାବଦରେ କିଛି ସୂଚନା ଦିଆଯାଇ ନଥିବାରୁ ଆପଣ କେବେ 'କାୟା ବର୍ଦ୍ଧନ ଓ ଆଧାର ସଂଯୋଗୀକରଣ କାମ' ଆରମ୍ଭ କରିବେ ସେ ବାବଦରେ ସାଥୀ ଉଇକିଆଳିମାନେ ଜାଣିପାରୁନାହାନ୍ତି, ତେଣୁ ମୋ ମତରେ ସେମାନେ ଚିନ୍ତିତ ହୋଇ ଅଭିଯୋଗ କରିବା ସ୍ଵାଭାବିକ ।
ଆପଣ ବେଶି ଅନୁବାଦ କରିଥିଲେ ମଧ୍ୟ ଆପଣଙ୍କୁ କେହି ଉତ୍ସାହିତ କରିନଥିବାର ମୂଳ କାରଣ ମୁଁ ପୂର୍ବରୁ (୨୮ ସେପ୍ଟେମ୍ବର ୨୦୧୬) ହିଁ ଲେଖିସାରିଛି (ଏବେ ସକ୍ରିୟ ଥିବା ଅଧୀକାଂଶ ପୁରୁଖା ଉଇକିଆଳି, ମୋ ଭଳି ପ୍ରସଙ୍ଗ ସଂଖ୍ୟା ବଦଳରେ ପ୍ରସଙ୍ଗର ଗୁଣାତ୍ମକ ମାନକୁ ଗୁରୁତ୍ଵ ଦିଅନ୍ତି ।) ବେଶି ପ୍ରସଙ୍ଗ ତିଆରି କରିବା ଆମ ନିମନ୍ତେ କିଛି ବଡ଼/ କଷ୍ଟକର କାମ ନୁହେଁ ଓ ସେଥିପାଇଁ ବେଶି ସମୟ ମଧ୍ୟ ଦରକାର ନାହିଁ । କେବଳ ପ୍ରସଙ୍ଗ ସଂଖ୍ୟା ବୃଦ୍ଧି କରିବାକୁ ଚାହିଁଲେ, ସପ୍ତାହେ ମଧ୍ୟରେ ଲକ୍ଷାଧିକ ପ୍ରସଙ୍ଗ ତିଆରି କରିବା ଭଳି ବୈଷୟିକ ଦକ୍ଷତା ଥିବା ବିଶେଷଜ୍ଞ ଉଇକିଆଳି ଆମ ଗହଣରେ ଅଛନ୍ତି । (ଆପଣ ଯୋଗଦେବା ପୂର୍ବରୁ (୨୦୧୩ ମସିହାରେ) ପ୍ରସଙ୍ଗ ସଂଖ୍ୟା ନେଇ ଆମ ଭିତରେ ଗୋଟେ ବଡ଼ ଧରଣର ମତାନ୍ତର ହେଇଥିଲା । ଉଇକିଆଳି ଶିତିକଣ୍ଠ ବଟ ପରଖ କରିବା ବେଳେ ମାତ୍ର ତିନିଘଣ୍ଟା ଭିତରେ ୪୦୦ରୁ ଅଧିକ ପ୍ରସଙ୍ଗ ଅକସ୍ମାତ ତିଆରି କରିଦେଇଥିଲେ ଏବଂ ସେହି ବାବଦରେ ଅନେକ ଦିନ ଧରି ଆଲୋଚନା ଚାଲିଥିଲା । ସେତେବେଳେ ତିଆରି ହେଇଥିବା ପ୍ରସଙ୍ଗ ସହ ଯୋଡ଼ା କେତେକ ଦରକାରୀ ଛାଞ୍ଚର କାମ ଏଇ ଗତ ସପ୍ତାହରେ ସରିଲା ଓ ପ୍ରସଙ୍ଗ ତିଆରି ହେବାର ୩ ବର୍ଷ ପରେ ମଧ୍ୟ ଆଉରି କେତେକ କାମ ବାକି ରଖିଯାଇଛି, ସେଥିଯୋଗୁଁ ଉପରେ ଲେଖିଛି 'ଆପଣ ତିଆରି କରିଥିବା ୧୦୦୦ ପ୍ରସଙ୍ଗର ଉଇକିକରଣ ନିମନ୍ତେ ଅତି କମରେ ଏକବର୍ଷ ଲାଗିବ ।'
ପରିସଂଖ୍ୟାନ ଓ ତୁଳନାରୁ ଜାଣିପାରିବେ ଓଡ଼ିଆ ଉଇକି ନିଜ ଗୁଣବତ୍ତା ନିମନ୍ତେ ଅନ୍ୟ ଭାରତୀୟ ଓ ଅନେକ ବିଦେଶୀ ଭାଷାର ଉଇକିଠାରୁ ଢେର ଉପରେ, ସେହି ଗୁଣବତ୍ତାକୁ ବଜାୟ ରଖିବାକୁ ହେଲେ ଆମକୁ ନୂଆ ତିଆରି ହେଉଥିବା ପ୍ରସଙ୍ଗର ଗୁଣବତ୍ତା ଉପରେ ଧ୍ୟାନ ଦେବାକୁ ହେବ ।
'ଆପଣ ଆରମ୍ଭ କରିଥିବା ପ୍ରସଙ୍ଗ ସଂଶୋଧନ ନିମନ୍ତେ ଆପଣ ଦାୟୀ' ସେପରି କିଛି ନୀତିନିୟମ ନାହିଁ, ତେବେ ଆପଣ ପ୍ରସଙ୍ଗ ସଂଖ୍ୟା ବଦଳରେ ପ୍ରସଙ୍ଗର ଗୁଣବତ୍ତା ଉପରେ ଧ୍ୟାନ ଦେବାକୁ ଆରମ୍ଭ କଲେ ସମସ୍ତେ ଆପଣଙ୍କ ସହ ତାଳଦେଇ ପ୍ରସଙ୍ଗ ଗୁଡ଼ିକୁ ସୁଧାରିବାରେ ହାତ ମିଶାଇବେ । ତେଣୁ ‘ବର୍ତ୍ତମାନ ଦ୍ରୁତ ଗତିରେ ପ୍ରସଙ୍ଗ ତିଆରି କରିବା ବଦଳରେ ସଂଶୋଧନ ଓ ପରିବର୍ଦ୍ଧନ’ରେ ଅଧିକ ସମୟ ଦେବାକୁ ଉଇକିଆଳିଙ୍କ ତରଫରୁ ଅନୁରୋଧ କରୁଛି । ଆପଣଙ୍କ ନିରନ୍ତର ଅବଦାନ ନିମନ୍ତେ ସାଧୁବାଦ ଜଣାଇ ରହୁଛି ।--ମୃତ୍ୟୁଞ୍ଜୟ କର (ମୋ ଆଲୋଚନା) ୦୮:୩୭, ୬ ଜାନୁଆରୀ ୨୦୧୭ (IST)

ପ୍ରସଙ୍ଗ ମୂଲ୍ୟାୟନ[ସମ୍ପାଦନା]

ଶ୍ରର୍ଧେୟ କର ବାବୁ

ଆପଣ ମୁ ଆଜି କରିଥିବା ଅନୁବାଦ "ଦିଲ୍ଲୀ ଦେଇ ଯାଇଥିବା ରାଜପଥ " (translated from Highways passing from Delhi)ଟିକୁ ଦେଖିବେ । ଏଥିରେ ମୂଳ ଇଂରେଜୀ ରେ ଥିବା ଲେଖା ସହିତ କିଛି ଅଧିକ ଯୋଡା ଯାଇଛି , ଆଧାର ମଧ୍ୟ ଦିଆ ଯାଇଛି, ବିକିମେଡିଆ commons ରୁ ଅଧିକ ଏକ ଫୋଟୋ ମଧ୍ୟ ଦିଆ ହେଇଛି । ଏଥିରେ କଣ ସବୁ ଭୁଲ ରହିଛି , ବା ଆଉ କଣ କରାଯିବାର ଅଛି କହିଲେ ମୁ ଜାଣି ପାରନ୍ତି । Susant purohit (ମୋ ଆଲୋଚନା) ୧୪:୧୩, ୭ ଜାନୁଆରୀ ୨୦୧୭ (IST) ଆଗରୁ ହେଇଥିବା କିଛି ଅନୁବାଦ ସମ୍ପୂର୍ଣ ଥିବାର ଦେଖିବାକୁ ମିଳିଥିବା ବେଳେ ଅଧିକାଂଶ ଅନୁବାଦ ରେ ମୁଁ ଲକ୍ଷ କଲି ଯେ ମୂଳ ଇଂରେଜୀ ପ୍ରସଙ୍ଗ ରେ ବହୁ ପରିମାଣ ରେ ଲେଖା ଥିବା ସ୍ଥଳେ ଅନୁବାଦ କାରୀ ଅନୁବାଦ ରେ କେବଳ ଢାଞ୍ଚା କପି / ପେଷ୍ଟ କାରୀ ଶୀର୍ଷକ ମାନ ଲେଖି ଛାଡି ଦେଇଛନ୍ତି । ମୁକରିଥିବା ଅଧିକାଂଶ ପ୍ରସଙ୍ଗ ରେ ଇଂରେଜୀ ରେ ଥିବା ସମସ୍ତ ଲେଖା ର ଭାଷାନ୍ତର ଯଥାସମ୍ଭବ ଦିଆ ଯାଇଛି । ତେବେ ମୁ ଟାଇପ କଳା ପରେ ତ୍ରୁଟି ସଂଶୋଧନ ବା ଆଧାର ଜୋଦନ କାର୍ଯ୍ୟ ପୁଣି ଥରେ କରିବାକୁ ଛାଡି ଦେଇଛି । ତାହାକୁ ନେଇ ଗୁଣାତ୍ମକ ମାନ ହାନି ହାଉଛି ବୋଲି ଯଦି ଅନୁଭବ କରା ଯାଉଛି , ତେବେ ମୁ ବାଧ୍ୟ ହେଇ ଅନୁବାଦ କାର୍ଯ୍ୟ ବନ୍ଧ ରଖିବି । 1000 ଟି ଅନୁବାଦ କୁ ସଂଶୋଧନ ଓ ୱିକିକରଣ ବର୍ଷେ ଲାଗିବା ନାହି । 2 ମାସ ଭିତରେ ହେଇପାରିବ । ଆଉ ଗୋଟେ କଥା ପଚାରୁଛି । ଇଂରେଜୀ ଭାଷା ରେ " ସେମିଲିଗୁଡା "ଉପରେ ଏକ ପ୍ରସଙ୍ଗ ମୁ ଦେଖିଲି । ସେଥିରେ ସେମିଲିଗୁଡା ଆନ୍ଧ୍ରା ପ୍ରଦେଶ ର ବୋଲି ଲେଖା ଯାଇଛି ଅଥଚ ତାହା ସଙ୍ଗେ ଥିବା ଟେବଲ ରେ ଓଡିଶା ବୋଲି ଲେଖା ଯାଇଛି । ସେମିଲିଗୁଡା କୋରାପୁଟ ର ଆନ୍ଧ୍ରା ସୀମା ରେ ରହିଛି ଓ ତାହା ଓଡିଶା ର ଗ୍ରାମ । ଏହି ବିଷୟ କାହା ନଜର କୁ ଅଣାଯାଇପାରିବ ? ମୁ ପ୍ରାୟତଃ ଭୁବନେଶ୍ବର ରେ ରହୁଛି । ସୁବାସ ସାର ଭେଟିବାକୁ କହିଛନ୍ତି । ତେବେ ମୁ ଭୁବନେଶ୍ବର ର ରାସ୍ତା ଘାଟ ବିଷୟ ରେ ବିଶେଷ ପରିଚିତ ନୁହେ । ଓ ସ୍କୂଟର ନେଇ ଭିଡ ରାସ୍ତା ରେ ତାଙ୍କ ଘର ଖୋଜି ପାଇବି ନାହି । ତେଣୁ ଦେଖା ହେଇ ପାରି ନାହି । ସୁବିଧା ଦେଖି ଭେଟା ହେଇ ହେବ । Susant purohit (ମୋ ଆଲୋଚନା) ୧୪:୩୭, ୭ ଜାନୁଆରୀ ୨୦୧୭ (IST)

ସମ୍ମାନନୀୟ ସୁଶାନ୍ତ ସାର, ଭଲ ପ୍ରଶ୍ନଟିଏ ପଚାରିଛନ୍ତି ।
ମୁଁ ପୂର୍ବର ଏକ ପ୍ରଶ୍ନର ଉତ୍ତର ଜାଣିଶୁଣି ଲେଖିନଥିଲି । ଆପଣଙ୍କ ଆଲୋଚନା ପୃଷ୍ଠାରେ କେହି ନ ଲେଖିବାର କାରଣ ହେଉଛି, ଆପଣ ଲେଖା ବନ୍ଦ କରିଦେବାର ଭୟ । ଅତୀତରେ ଅନେକ ଉଇକିଆଳି ସେମାନେ କରୁଥିବା ଭୁଲ ଦର୍ଶାଇବା ପରେ ଉଇକିରେ ଲେଖିବା ବନ୍ଦ କରିଦେଇଛନ୍ତି । ମୁଁ ଆପଣଙ୍କୁ ନିରୁତ୍ସାହିତ କରିବାକୁ ଚାହୁଁନି, କିନ୍ତୁ ଅନିଚ୍ଛାସତ୍ତ୍ୱେ ଲେଖିବାକୁ ବାଧ୍ୟ ହେଉଛି ଆପଣ ଲେଖିଥିବା ଉପରୋକ୍ତ କୌଣସି ଉଦ୍ୟମ ପ୍ରସଙ୍ଗର ମାନକୁ ବଢ଼ାଇନି ବରଂ କମାଇଛି, ସେବାବଦରେ କିଛି:
  • ଉପକ୍ରମ: ଉପକ୍ରମରେ ଲେଖାଥିବା ୬ଧାଡ଼ି ମଧ୍ୟରୁ ୨ୟ, ୩ୟ, ୪ର୍ଥ ଓ ୫ମ ଧାଡ଼ିର ଉପରୋକ୍ତ ପ୍ରସଙ୍ଗ ସହ କୌଣସି ସମ୍ପର୍କ ନାହିଁ । ତେଣୁ ସେଭଳି ଅପ୍ରାସିଙ୍ଗିକ ଲେଖା ଯୋଗୁଁ ପ୍ରସଙ୍ଗର ଆକାର ବଢ଼ିଥାଇପାରେ କିନ୍ତୁ ଗୁଣବତ୍ତା ବଢ଼ିନି । ମୂଳ ଇଂରାଜୀ ପ୍ରସଙ୍ଗରେ ମଧ୍ୟ ସେସବୁ ଲେଖା ନାହିଁ ।
(ଏଥିରେ ମୂଳ ଇଂରେଜୀ ରେ ଥିବା ଲେଖା ସହିତ କିଛି ଅଧିକ ଯୋଡ଼ା ଯାଇଥିଲେ ମଧ୍ୟ ଏହା ଅପ୍ରାସଙ୍ଗିକ ହେଇଥିବାରୁ ପ୍ରସଙ୍ଗର ମାନକୁ ବଢ଼ାଇବା ପରିବର୍ତ୍ତେ କମାଇଛି)
  • ଉପଯୁକ୍ତ ଛବି: ପ୍ରସଙ୍ଗରେ ଥିବା ପ୍ରଥମ ଛବି ସହ ପ୍ରସଙ୍ଗର ସହ କୌଣସି ସମ୍ପର୍କ ନାହିଁ । ଛବି ସଜାଣି ଶୈଳୀ ଅନୁସାରେ ଛବି ସବୁ ଡାହାଣ ପଟେ ରହିବା କଥା, କିନ୍ତୁ ଉପରୋକ୍ତ ପ୍ରସଙ୍ଗରେ ଅଧିକାଂଶ ଛବି ବାମପଟେ ଅଛି । ଛବିର ବର୍ଣ୍ଣନା ସବୁ ଅନୁବାଦ କରାଯାଇନି ସେସବୁ ଇଂରାଜୀ ଭାଷାରେ ହିଁ ରହିଛି ।
(ଉଇକିମିଡିଆ କମନ୍ସରୁ ଅଧିକ ଏକ ଫୋଟୋ ଦିଆ ହେଇଥିଲେ ମଧ୍ୟ ଏହା ପ୍ରସଙ୍ଗର ମାନ ବଢ଼ାଇବାରେ ସାହାଯ୍ୟ କରୁନି । ପ୍ରସଙ୍ଗ ଗୁଡ଼ିକ ଉଭୟ ଲେଖାସୁନ୍ଦର ଓ ଦେଖାସୁନ୍ଦର ହେବା ଉଚିତ । ଠିକ ଭାବେ ସଜାଣି ହେଇନଥିବା ପ୍ରସଙ୍ଗରୁ ତଥ୍ୟ ଆହରଣ କରିବାକୁ ପାଠକମାନେ ଅନେକ ଅସୁବିଧାର ସମ୍ମୁଖୀନ ହେଇଥାନ୍ତି, ସେସବୁ ଅସୁବିଧାକୁ ଦୁର କରିବାକୁ ଏସବୁ ସଜାଣି ନୀତି କରାଯାଇଛି ।)
(ଆଧାର ଦିଆଯାଇଥିଲେ ମଧ୍ୟ ଅବୈଧ ଆଧାର ଯୋଗୁଁ ଏହା ପ୍ରସଙ୍ଗର ମାନ ବଢ଼ାଇବାରେ ସାହାଯ୍ୟ କରୁନି ।)
  • ଅସମ୍ପୂର୍ଣ୍ଣ ଅନୁବାଦ: ଓଡ଼ିଆ ଉଇକିପିଡ଼ିଆରେ ସାଧାରଣତଃ ଇଂରାଜୀ ସଂଖ୍ୟା ବ୍ୟବହାର କରାଯାଏ ନାହିଁ । ତେଣୁ ପ୍ରସଙ୍ଗ ଅନୁବାଦ କଲାବେଳେ ଏବାବଦରେ ଧ୍ୟାନ ଦେବାକୁ ଅନୁରୋଧ ।
  • ଆଭ୍ୟନ୍ତରୀଣ ସଂଯୋଗ: ଆପଣ ଆରମ୍ଭ କରିଥିବା ଦିଲ୍ଲୀ ଦେଇ ଯାଇଥିବା ରାଜପଥ ସମୂହ ପ୍ରସଙ୍ଗରେ, ଅନ୍ୟାନ୍ୟ ଉଇକି ପ୍ରସଙ୍ଗକୁ ଗୋଟିଏ ବି ଆଭ୍ୟନ୍ତରୀଣ ସଂଯୋଗ ନାହିଁ । ଆପଣ ପୂର୍ବରୁ ଲେଖିଥିବା ସୁବର୍ଣ୍ଣ ଚତୁର୍ଭୁଜ ପ୍ରସଙ୍ଗଟିକୁ ଏଥିରୁ ସଂଯୋଗ କରିପାରିଥାନ୍ତେ ।
(ଆଭ୍ୟନ୍ତରୀଣ ସଂଯୋଗ (internal link) ସାହାଯ୍ୟରେ ଉଇକିପିଡ଼ିଆରେ ଥିବା ବିଭିନ୍ନ ବିଷୟମାନଙ୍କ ସହିତ ଯୋଗସୂତ୍ର ରଖାଯାଏ । ଉଇକିପିଡ଼ିଆର ପୃଷ୍ଠା ଗୁଡ଼ିକରେ ଅନ୍ୟ ଉଇକି ପୃଷ୍ଠାକୁ ସଂଯୋଗ ଥିବା ଶବ୍ଦ ବା ବାକ୍ୟ ନିଳ ଦେଖାଯାଇଥାଏ । ନିଳ ଦେଖାଯାଉଥିବା ଶବ୍ଦ ବା ବାକ୍ୟ ଉପରେ କ୍ଳିକ କଲେ ଏହା ସଂଯୋଗ ହେଇଥିବା ପୃଷ୍ଠାକୁ ବାଟା କଢ଼ାଇ ନେଇଥାଏ ।)
  • ସମ୍ପର୍କୀୟ ପ୍ରସଙ୍ଗ: ପୁନଶ୍ଚ ଦେଖଣା ତଳେ ଥିବା ୬ଟି ପ୍ରସଙ୍ଗ ମଧ୍ୟରୁ ୩ଟି ପ୍ରସଙ୍ଗ ନାମ ଇଂରାଜୀରେ ଅଛି ଓ ୩ଟି ପ୍ରସଙ୍ଗର ଉପଯୁକ୍ତ ସଂଯୋଗ ନାହିଁ । ସଂଯୋଗ ଥିବା ପ୍ରସଙ୍ଗ ସବୁର ଓଡ଼ିଆ ନାମ ରଖି, ସଂଯୋଗ ନଥିବା ପ୍ରସଙ୍ଗ ସବୁ ବାହାର କରାଯିବା ଉଚିତ (ଏସବୁ ନିତାନ୍ତ ଦରକାର ନୁହେଁ) । ଏବାବଦରେ ଅଧିକ ଜାଣିବା ନିମନ୍ତେ ସମ୍ପର୍କୀୟ ପ୍ରସଙ୍ଗ ପୃଷ୍ଠାଟି ଦେଖନ୍ତୁ ।
  • ଶ୍ରେଣୀ: ଏହି ପ୍ରସଙ୍ଗରେ ଗୋଟିଏ ବି ଶ୍ରେଣୀ ଯୋଡ଼ା ଯାଇନାହିଁ । ଏଥିରେ ଏକ ବା ଏକାଧିକ ଉପଯୁକ୍ତ ଶ୍ରେଣୀ ଯୋଡ଼ାଯାଇପାରିବ ।
ଉନ୍ନତ ମାନର ପ୍ରସଙ୍ଗ ଲେଖି ଶିଖିବାର ଏକ ସହଜ ଉପାୟ ହେଉଛି ଏକା ଧରଣର ଲେଖା କିଛିଦିନ ଧରି ଲେଖିବା (ଠିକ ଯେପରି ପୁରୁଖା ଉଇକିଆଳି ପ୍ରିତିରଞ୍ଜନ ଜୀବନି ପ୍ରସଙ୍ଗ ଲେଖନ୍ତି) ଓ ସେସବୁକୁ ପୂର୍ବରୁ ଥିବା ପ୍ରସଙ୍ଗ ସହ ତୁଳନା କରି ଦେଖିବା, ଏହାର ଦୁଇଟି ଫଳ ମିଳିପାରେ ଏବଂ ଉଭୟ ସ୍ଥିତିରେ ଉଇକି ପ୍ରସଙ୍ଗର ମାନ ଉନ୍ନତ ହେବ:
  1. ହୁଏତ ପୁରୁଣା ପ୍ରସଙ୍ଗରୁ ନୂଆ କିଛି ଶିଖି, ନୂଆ ପ୍ରସଙ୍ଗରେ ଯୋଡ଼ିବେ କିମ୍ବା
  2. ପୁରୁଣା ପ୍ରସଙ୍ଗର ଅପ୍ରାସଙ୍ଗିକ ତଥ୍ୟ ବଦଳାଇ ତାହାକୁ ସମୟ ଉପଯୋଗୀ କରିବେ ।
ତେଣୁ ମୁଁ ଆପଣଙ୍କୁ ଅନୁରୋଧ କରିବି ଏକାଧରଣର ଲେଖା ଅନ୍ତତଃ ୧୦/ ୧୫ ଦିନ ପର୍ଯ୍ୟନ୍ତ ଲେଖନ୍ତୁ ଓ ଶିଖୁଥିବା ନୂଆ କୌଶଳ ବ୍ୟବହାର କରି ଉଇକିର ପୁରୁଣା ପ୍ରସଙ୍ଗକୁ ସଂଶୋଧନ ଓ ଉନ୍ନତ କରିଚାଲନ୍ତୁ । ବନାନ ଅଶୁଦ୍ଧି, ଅପ୍ରାସଙ୍ଗିକ ତଥ୍ୟ, ଅଦରକାରୀ ଛବି, ଆଧାର ନଥିବା କିମ୍ବା ଫାଙ୍କା ଆଧାର, ଅଦରକାରୀ ଛାଞ୍ଚ ଥିବା ପ୍ରସଙ୍ଗ ଉଇକିର ଗୁଣବତ୍ତାକୁ ହ୍ରାସ କରିଥାଏ ଏଥିରେ କେହି ଦ୍ଵିମତ ହେବେନି ।
ଇଂରାଜୀ ଉଇକିର Semiliguda ଓଡ଼ିଶାରେ ଥିବା ଅଞ୍ଚଳ ବାବଦରେ ଓ Shimiliguda ଆନ୍ଧ୍ରପ୍ରଦେଶରେ ଥିବା ଅଞ୍ଚଳ ବାବଦରେ ଲେଖାଯାଇଥିବା ପ୍ରସଙ୍ଗ, ଏହି ଦୁଇଟି ସମ୍ପୂର୍ଣ୍ଣ ଅଲଗା ଅଲଗା ଅଞ୍ଚଳ ତେଣୁ ଦୁଇଟି ଅଲଗା ଅଲଗା ପ୍ରସଙ୍ଗ ଅଛି । ଓଡ଼ିଶାର ସେମିଳିଗୁଡ଼ା ବାବଦରେ ପ୍ରସଙ୍ଗ ପୂର୍ବରୁ ଓଡ଼ିଆ ଉଇକିରେ ଥିବା ବେଳେ ଆନ୍ଧ୍ର ପ୍ରଦେଶର ଶିମିଳିଗୁଡ଼ା ବାବଦରେ ଥିବା ଇଂରାଜୀ ଉଇକିର ମୂଳ ପ୍ରସଙ୍ଗକୁ ଅନୁବାଦ କରି ଏହାକୁ କୋରାପୁଟ ଜିଲ୍ଲା ର ଏକ ଗ୍ରାମ ଲେଖିଛନ୍ତି, ଯାହାକି ସମ୍ପୂର୍ଣ୍ଣ ଭୁଲ । ତେଣୁ ଏହା କାହା ନଜରକୁ ଆଣିବା ଦରକାର ହେବନି, ଓଡ଼ିଆ ଉଇକିରେ କେବଳ ସଂଶୋଧନ କରିଦେବା ଯଥେଷ୍ଟ ହେବ ।
  • ପୁଣିଥରେ ଅନୁରୋଧ କରିବି ନୂଆ ପ୍ରସଙ୍ଗ ତିଆରି କରିବାବେଳେ ଦରକାରୀ ପ୍ରସଙ୍ଗ ତାଲିକାଟିକୁ ବ୍ୟବହାର କରିବା ନିମନ୍ତେ । ଆପଣ ଏବେ ଲେଖୁଥିବା ପ୍ରସଙ୍ଗ ଅପେକ୍ଷା ଏସବୁ ପ୍ରସଙ୍ଗ ଓଡ଼ିଆ ଉଇକିର ପାଠକଙ୍କ ନିମନ୍ତେ ଅଧିକ ଦରକାରରେ ଆସିବ । ଓଡ଼ିଆ ଉଇକି ନିମିତ୍ତ ଆପଣଙ୍କ ଆଗ୍ରହ ନିମନ୍ତେ ସାଧୁବାଦ ଜଣାଇ ରହୁଛି । --ମୃତ୍ୟୁଞ୍ଜୟ କର (ମୋ ଆଲୋଚନା) ୦୦:୦୮, ୯ ଜାନୁଆରୀ ୨୦୧୭ (IST)

ଆପଣଙ୍କ ବିଶ୍ଳେଷଣ ପରେ[ସମ୍ପାଦନା]

ଶ୍ରର୍ଧେୟ କର ବାବୁ , ଦିନ ସାରା ଏଠାରେ ଲାଇନ ନ ଥିବାରୁ ଆପଣଙ୍କ ବିଶ୍ଳେଷଣ ବର୍ତମାନ ପଢିଲି । ୧। ପ୍ରସଙ୍ଗ ଟି ଦିଲ୍ଲୀ ସହର ର ରାସ୍ତା ଉପରେ ହେଇଥିବାରୁ ଦିଲ୍ଲୀ ସହର ଉପରେ କିଛି ପରିଚୟ ଏହି ସ୍ଥାନ ରେ ଆପ୍ରାସଙ୍ଗିକ ହେବ ନହିଁ ବୋଲି ଭାବି ମୁ ସେଇଟା ଯୋଡିଥିଲି । ତାହା ଦ୍ଵାରା ପ୍ରସଙ୍ଗ ର ପୁରଣତା ଦିଗରେ ସହାୟ ହେବ ଓ ପଠନ ପାଇଁ ଉପଯୁକ୍ତ ଲାଗିବା ବୋଲି ଯୋଡି ଥିଲି । ତଡି ସେଇଟା ୱିକିକରଣ ନିୟମ ରେ ଯାଉନହି ତାହା କାଢି ଦିଆ ଯାଇ ପାରିବ । ୨। ପୁନଶ୍ଚ ଦେଖଣା ରେ ଥିବା ନାମ ସବୁ ମୂଳ ଇଂରାଜୀ ରୁ ଅଣାଯାଇଥିଲା । ତାହାର ସଂଯୋଗ ବିଷୟ ରେ ମୁ ବର୍ତମାନ ଜାଣି ନାହି।କେହି ମତେ ବତେଇଲେ ଯାଇ ହେବ । ୩। ମେପ ର ଚିତ୍ର ସମ୍ବନ୍ଧ ରେ ବାମ ପଟେ ଥିବା କଥା ଯାହା ଲେଖିଲେ ମୂଳ ଇଂରାଜୀ ରେ ତାହା ବାମ ପଟେ ଥିଲା । ତେଣୁ ତାହାକୁ ସେହିପରି ରଖି ଦେଇଥିଲି । ଆପଣ ସେଇ ପ୍ରସଙ୍ଗ ଟିକୁ ସମୟ ଦେଖି ନିଜେ ଏଡିଟ କରି ବେ ଯେପରି ପୂର୍ଣ ମାତ୍ରା ରେ ୱିକିକରଣ ହେଇଯିବ । ମୁ ତାହା ଦେଖି ଜାଣି ପାରିବି କଣ ସବୁ ଆଉ କରାଯିବାର ଥିଲା । ୪। ଗୋଟିଏ ପ୍ରକାର ଲେଖା ଲେଖିବାକୁ ଯାହା କହିଛନ୍ତି ତାହା ଠିକ , କିନ୍ତୁ ଏକ ପ୍ରକାର ଲେଖା କେବଳ ଲେଖିଚାଲିଲେ ଜଣେ ନୂଆ ସିଖୁଥିବା ୱିକିଆଳି କୁ ଭଲ ଲାଗିବ କି ?ଆପଣ ଦେଖିଥିବେ କିଛି ଦିନ ହେଲା ମୁ ଅନୁବାଦ କରୁନାହି । କାରଣ ଆପଣ କହିଦେଲେ ମୁ ୧୦୦୦ ତା ଯେଉଁ ଅନୁବାଦ କରିଛି ଶେଠୀ ଯୋଗୁଁ ଓଡିଆ ୱିକି ର ମାନ ହାନି ହଉଛି । ତାହାକୁ ସଠିକ ଭାବରେ ୱିକିକରଣ କରିବାକୁ ବର୍ଷେ ଲାଗିଯିବ । ତେଣୁ ମୁ ଆଉ ବେଶୀ ଅନୁବାଦ କରି ଆହୁରି ଅଦରକାରୀ ପ୍ରସଙ୍ଗ ଜେଡିବାକୁ ଚାହିଲି ନାହି । ସେହି ଅନୁବାଦ ସମୂହ ଭିତରୁ ଆପଣ ଯେଉଁ ଗୁଡିକ ଅଦରକାରୀ ଭାବୁଛନ୍ତି ସେ ସବୁ କୁ ହଟେଇ ଦିଅନ୍ତୁ । ମୁ କାହିଁକି କଣ ଭାବିବି ? ମୁ ଏବେ ଅନୁଭବ କରୁଛି ଆମ ଓଡିଆ ରେ ବେଶୀ ସଂଖ୍ୟା ରେ କାହିଁକି ଆଗଭର ହଉ ନାହାନ୍ତି ଵିକି ରେ ଲେଖିବାକୁ । ଲୋକ ଅଛନ୍ତି , ଲେଖିପାରନ୍ତେ , କିନ୍ତୁ ତାଙ୍କୁ ଉପଯୁକ୍ତ ଭାବରେ ଉତଶାହିତ କରାଯିବା ଦରକାର କିନ୍ତୁ ସେ ଦିଗରେ କିଛି କରି ହେବନି । ୫ । ସେମିଲିଗୁଡା ପ୍ରସଙ୍ଗ ନିଶ୍ଚିତ ଭାବରେ ମୋର ଭୁଲ ଥିଲା ମୁ ଗ୍ରହଣ କରୁଛି । ତାକୁ ପରିବର୍ତନ କରିଦେବା । ଗୋଟିଏ ଜିନିଷ ମତେ ଆଶ୍ଚର୍ଯ୍ୟ ଲାଗେ , ଇଂରାଜୀ ୱିକି ତ ବହୁତ ଦୃଢ ଦେଖା ରେଖା ରେ ରହିଛି । ତେବେ ଏତେ ସଂଖ୍ୟକ ମୂଲ୍ୟହୀନ , ଯଥେଷ୍ଟ ତଥ୍ୟ ହୀନ ପ୍ରସଙ୍ଗ ଏଥିରେ କିପରି ରହିଯାଇଛି । ମୁ ନିଜେ ଆପଣଙ୍କୁ ଆଗରୁ କହିଛି ଯେ ମୁ ଏବେ ଲେଖିଥିବା ଅନେକାଂଶ ପ୍ରସଙ୍ଗ ଓଡିଆ ୱିକି ର ପାଠକ ମାନଙ୍କ ପାଇଁ ଦରକାର ହେବ ନାହି । ମୁ ଜାଣି କରି ସେ ସବୁ ପ୍ରସଙ୍ଗ ରେ ଲେଖିଛି ।ଯଥେଷ୍ଟ ଅନୁଭବ ହେଲା ପରେ ବହୁତ ଦରକାରୀ ପ୍ରସଙ୍ଗ ( ଇଂରେଜୀ ରେ ଥିବା , ବା ନଥିବା ) ନିଶ୍ଚୟ ଭଲ ଭାବରେ ଉପସ୍ଥାପନା କରିହେବ । ତେବେ ଓଡିଆ ୱିକି ରେ ଇଂରେଜୀ ୱିକି ରେ ଥିବା ପ୍ରସଙ୍ଗ ର ଅନେକ ସଂଖ୍ୟା ର ଅନୁବାଦ ( ଦରକାର ଥାଉ ବା ନ ଥାଉ ) ରହିଥିଲେ କ୍ଷ୍ୟତି କଣ ଅଛି  ? ପ୍ରସଙ୍ଗ ଥିଲେ ତାହାକୁ ସମୟ କ୍ରମେ ଉନ୍ନତି କରାଯାଇପାରିବ । ( ମୋର ନିଜସ୍ଵ ମତ ) ଶୁଭକାମନା ସହ Susant purohit (ମୋ ଆଲୋଚନା) ୨୨:୫୬, ୧୦ ଜାନୁଆରୀ ୨୦୧୭ (IST)


ସମ୍ମାନନୀୟ ସୁଶାନ୍ତ ସାର,

  1. ଆପଣ ଯାହା ଲେଖିଥିଲେ ତାହା ଦିଲ୍ଲୀ ପ୍ରସଙ୍ଗରେ ଲେଖିହେବ କିନ୍ତୁ ଦିଲ୍ଲୀ ଦେଇ ଯାଇଥିବା ରାଜପଥ ସମୂହ ପ୍ରସଙ୍ଗଟି ଦିଲ୍ଲୀ ସହରର ରାସ୍ତା ବାବଦରେ ହେଇଥିବା ଯୋଗୁଁ ସେସବୁ ଅପ୍ରାସଙ୍ଗିକ ।
  2. ସମ୍ପର୍କୀୟ ପ୍ରସଙ୍ଗ (ପୁନଶ୍ଚ ଦେଖଣା)ଆଭ୍ୟନ୍ତରୀଣ ସଂଯୋଗ ବାବଦରେ ମୁଁ ପୂର୍ବ ଉତ୍ତରରେ ଲେଖିଥିଲି ‌
  3. ମୂଳ ଇଂରାଜୀରେ ମାନଚିତ୍ର ବାମପଟେ ଥିବା କଥା ଆପଣ ଯାହା ଲେଖିଛନ୍ତି, ତାହା ପୂରାସତ ନୁହେଁ ଆଂଶିକ ସତ କାରଣ ଆପଣ ଭଲଭାବେ ଦେଖିଲେ ଜାଣିପାରିବେ ପ୍ରକୃତରେ ସେଠାରେ ଗୋଟିଏ ଲେଖାଏଁ ଛବି, ଉଭୟ ବାମ ଓ ଡାହାଣ ପଟେ ଅଛି (ପ୍ରତ୍ୟେକ ଅନୁଚ୍ଛେଦରେ ଦୁଇଟି ଲେଖାଏଁ ଛବି ରହିଛି) କେବଳ ଗୋଟିଏ ଲେଖାଏଁ ଛବି ଥିଲେ ତାହା ଛବି ସଜାଣି ଶୈଳୀ ଅନୁସାରେ କେବଳ ଡାହାଣ ପଟେ ରହିଥାନ୍ତା ଏଥିରେ କିଛି ସନ୍ଦେହ ନାହିଁ ‌। ସେଇ ପ୍ରସଙ୍ଗଟିକୁ ନିଜେ ବଦଳ କରିବି ବୋଲି ପ୍ରତିଶୃତି ଦେଇପାରୁନି ‌କାରଣ ମୋର ବ୍ୟକ୍ତିଗତ ଭାବେ ଅନେକ ବାକିଆ କାମ ଅଛି ଓ ତା’ସହ ଉଇକିର ପରିଚାଳନା ଦାୟିତ୍ୱ ମଧ୍ୟ ଅଛି ତେବେ ପ୍ରାୟ ଅଧିକାଂଶ ଦିନ ମୁଁ ଏପରି ପୁରୁଣା ପ୍ରସଙ୍ଗର ଉଇକିକରଣ କାମ ହିଁ କରିଥାଏ ।
  4. ଏହାର ଉତ୍ତର (ହଁ/ ନା) ଯାହା ହେଉନା କାହିଁକି ଏହା ସବୁ ଉଇକିଆଳିଙ୍କ ନିମନ୍ତେ ସତ ହେବନି୤ କେବଳ ଗୋଟିଏ ପ୍ରକାର ଲେଖା ଜଣେ ନୂଆ ଶିଖୁଥିବା ଉଇକିଆଳିକୁ କିପରି ଲାଗିବ ତାହା ସମ୍ପୃକ୍ତ ଉଇକିଆଳି ଉପରେ ନିର୍ଭର କରେ ‌ମୁଁ ନିଜେ ଉଇକିରେ ପ୍ରସଙ୍ଗ ଲେଖିବା ଆରମ୍ଭ କରିବାବେଳେ କେବଳ ଓଡ଼ିଆ କଥାଚିତ୍ର ବାବଦରେ ହିଁ ଲେଖୁଥିଲି୤ ଉଇକିର ମାନହାନି ହେବା ବାବଦରେ ଯାହା ଲେଖିଥିଲି ତାହା ମୁଁ ମନଇଚ୍ଛା ବା କୌଣସି ମନ୍ଦଉଦ୍ଦେଶ୍ୟ ରଖି ଲେଖିନାହିଁ, ତାହାର ତଥ୍ୟଗତ ପ୍ରମାଣ ମଧ୍ୟ ଦେଇଥିଲି ଓ ଏଥିରୁ ଓହରିବାର ପ୍ରଶ୍ନ ଉଠୁନି । ଉଇକିକରଣ କରିବାକୁ ବର୍ଷେ ଲାଗିବ କହିବାର କାରଣ ବର୍ଷେ ଭିତରେ ଅଧିକାଂଶ ଉଇକିଆଳି ଉଇକି ନୀତିପ୍ରସଙ୍ଗ ଲିଖନ ଶୈଳୀ ଶିଖିପାରିନ୍ତି ନାହିଁ ‌ ତା, ଛଡ଼ା ମୁଁ ନିଜେ ୬ବର୍ଷ ତଳେ ଆରମ୍ଭ କରିଥିବା ପ୍ରସଙ୍ଗ (ଓଡ଼ିଆ କଥାଚିତ୍ର ସମ୍ଭନ୍ଧୀୟ) ସବୁର ଉଇକିକରଣ ଏପର୍ଯ୍ୟନ୍ତ ସରିନାହିଁ । ଏ କାମଟି ମୋ ବ୍ୟକ୍ତିଗତ ଭାବେ ସାରିବାକୁ ଥିବା ଅସମ୍ପୂର୍ଣ୍ଣ କାମ ଭିତରୁ ଗୋଟିଏ ଥିବା ପୂର୍ବରୁ ଲେଖିଛି । କିଛିମାସ ତଳେ ଉଇକିଆଳି ପ୍ରିତିରଞ୍ଜନଙ୍କ ଉଦ୍ୟମ ଯୋଗୁଁ ଅନେକ କଥାଚିତ୍ର ପ୍ରସଙ୍ଗରେ ଆଧାର ଯୋଡ଼ାଯାଇଥିଲା । ମୋର ଅନୁରୋଧ ରକ୍ଷାକରି ଅନୁବାଦ କରି ନୂଆ ପ୍ରସଙ୍ଗ ତିଆରି କରିବା କମାଇଥିବାରୁ ଧନ୍ୟବାଦ ‌। ଅଦରକାରୀ ପୃଷ୍ଠା ଲିଭାଇବା ଅଧିକାର ମୋ ପାଖରେ ଥିଲେ ମଧ୍ୟ ମୁଁ ମୋ ମନଇଚ୍ଛା ଯେକୌଣସି ପୃଷ୍ଟା ଲିଭାଇ ପାରିବିନାହିଁ, ଏଥିନିମନ୍ତେ ମୁଁ କେତେକ ପୂର୍ବନିର୍ଦ୍ଧାରିତ ନୀତି ମାନିବାକୁ ବାଧ୍ୟ ‌। ଉଇକିରେ ମୋର ବ୍ୟକ୍ତିଗତ ଭାବନାର କୌଣସି ମୂଲ୍ୟ ନାହିଁ, କେବଳ ‘ମୁଁ ଭାବୁଛି’ ବୋଲି କିଛି କରିପାରିବିନି, ଏହା ଉଇକି ନୀତି ବିରୁଦ୍ଧ ‌। ଉଇକି ନୀତି ଅନୁସାରେ ଯେଉଁସବୁ ପୃଷ୍ଠା ଗୁଡ଼ିକ ଲିଭାଯିବା ଉଚିତ ସେସବୁ ମୁଁ ନିଶ୍ଚିତ ଭାବେ ଲିଭାଇବି, ଏଥିରେ ସନ୍ଦେହ ନାହିଁ । (ଲେଖିବା ଅନାବଶ୍ୟକ ପୃଷ୍ଟା ଲିଭାଇବା ବେଳେ ବ୍ୟକ୍ତିଗତ (ମୋର ହେଉ ବା ପୃଷ୍ଟା ତିଆରି କରିଥିବା ଉଇକିଆଳିଙ୍କ) ଭାବନାକୁ ଗୁରୁତ୍ୱ ଦିଏ ନାହିଁ ‌।) । ଆପଣ କେଉଁଠାରୁ କଣ ଅନୁଭବ କଲେ ମୁଁ ଜାଣିପାରିଲି ନାହିଁ ‌‌। କେଉଁଠାରେ କେତେ ଲୋକ ଅଛନ୍ତି ଓ ସେମାନଙ୍କୁ କିପରି ଭାବେ ଉତ୍ସାହିତ କଲେ ତାହା ଉପଯୁକ୍ତ ହେବ ଯାହାଫଳରେ ସେମାନେ ଲେଖିବାକୁ ଆଗଭର ହେବେ ତାହା ଜଣାଇବାକୁ ଅନୁରୋଧ ‌। ଯଦି ସେସବୁ ଉଇକି ଆଦର୍ଶ ଭିତରେ କରିବା ସମ୍ଭବ ତେବେ କାର୍ଯ୍ୟକାରୀ କରିବା ନିମନ୍ତେ ନିଶ୍ଚିତ ଚେଷ୍ଟା କରିବି । (ଉଇକିଆଳିଙ୍କ କାମ ଏକ ସ୍ୱେଚ୍ଛାସେବୀ କାମ, ଜଣେ ଯେପର୍ଯ୍ୟନ୍ତ ଉଇକିର ଆଦର୍ଶକୁ ବୁଝି ନିଜେ ଆଗଭର ହେଇନି ସେପର୍ଯ୍ୟନ୍ତ ଯେତେ ଯାହା ଚେଷ୍ଟା କଲେ ମଧ୍ୟ ସେ ଦୀର୍ଘଦିନ ପର୍ଯ୍ୟନ୍ତ ଉଇକିରେ ରହିବନି ଏଥିରେ କୌଣସି ସନ୍ଦେହ ନାହିଁ ) ।
  5. ଗତ ୫ ବର୍ଷ ଧରି ସକ୍ରିୟ ଅବଦାନ କରୁଥିଲେ ମଧ୍ୟ, ମୁଁ ବି ବେଳେ ବେଳେ ଅଜାଣତରେ ଭୁଲ କରିଦିଏ ଓ ସେଥିରୁ କିଛି ନୂଆ ଶିଖିଥାଏ ‌। ଉଇକିରେ ପ୍ରସଙ୍ଗ ରହିବା ନ ରହିବା ଉଲ୍ଲେଖନୀୟତା ଉପରେ ନିର୍ଭର କରେ ଉଲ୍ଲେଖନୀୟତା ନୀତି ମଧ୍ୟରେ ଆସୁଥିବା ସମସ ପ୍ରସଙ୍ଗ ଉଇକିପିଡ଼ିଆରେ ରହିପାରିବ (ତଥ୍ୟ ଅଧିକ ଥାଉ ବା କମ ଥାଉ) ‌ ମୋ ମତରେ ଅନେକ ଗୁଡ଼ିଏ ପ୍ରସଙ୍ଗରେ କମ ତଥ୍ୟ ଥାଇପାରେ ତେବେ ସେସବୁ ମୂଲ୍ୟହୀନ ନୁହେଁ ‌ ଇଂରାଜୀ ଉଇକି ଦୃଢ଼ ଦେଖାରେଖାରେ ରହିଥିଲେ ମଧ୍ୟ ଲୋକବଳର ଅଭାବ ଓ ମୋପରି ଉଇକିଆଳିଙ୍କ ଉଦାସୀନତା ଯୋଗୁଁ ସେସବୁ ରହିଯାଇଛି ତେବେ ଆପଣ ଯଦି ସେଭଳି ମୂଲ୍ୟହୀନ ଓ ତଥ୍ୟହୀନ ପ୍ରସଙ୍ଗ ଦେଖନ୍ତି ତେବେ ଲିଭାନ୍ତୁ ଛାଞ୍ଚ ବ୍ୟବହାର କରି ଲିଭାଇବା ନିମନ୍ତେ ଇଂରାଜୀ ଉଇକିର ପରିଚାଳକମାନଙ୍କୁ ଅନୁରୋଧ କରିପାରିବେ । ଓଡ଼ିଆ ଉଇକିର ପାଠକଙ୍କ ପାଇଁ ଦରକାରରେ ନଆସିବା ପ୍ରସଙ୍ଗ ଲେଖି ଆପଣ ସମୟ ନଷ୍ଟ କରିଛନ୍ତି ‌। କେତେ ଅନୁଭବ ଆପଣଙ୍କ ଯଥେଷ୍ଟ କିପରି ଜାଣିବେ ? କେବଳ ଆପଣଙ୍କ ଅବଗତି ନିମନ୍ତେ ଜଣାଉଛି ମୁଁ ଗତ ୫ବର୍ଷରେ ୯୪୨ଟି ପ୍ରସଙ୍ଗ ତିଆରି କରିଥିବା ବେଳେ ଆପଣ ଗତ ୫ମାସ ମଧ୍ୟରେ ୯୯୯ଟି ପ୍ରସଙ୍ଗ ତିଆରି କରିସାରିଲେଣି । ଉପରେ ଆପଣ ଯେପରି ଇଂରାଜୀ ଉଇକିରେ ମୂଲ୍ୟହୀନ ଓ ତଥ୍ୟହୀନ ପ୍ରସଙ୍ଗ ଅଛି ବୋଲି ଅଭିଯୋଗ କରୁଛନ୍ତି, ସେପରି ଭବିଷ୍ୟତରେ ଅନ୍ୟକେହି ଆପଣ ତିଆରି କରିଥିବା ପ୍ରସଙ୍ଗ ବାବଦରେ ଅଭିଯୋଗ କରିପାରନ୍ତି । ଆପଣଙ୍କ ଭଳି ଚିନ୍ତାଧାରା ଥିବା କୌଣସି ଉଇକିଆଳି ସମୟକ୍ରମେ ଉନ୍ନତ ହେବା ନିମନ୍ତେ ସେପରି ପ୍ରସଙ୍ଗ ଲେଖିଥାଇପାରନ୍ତି । ଉଇକିର ଆଦର୍ଶକୁ ବୁଝିଥିବା ଉଇକିଆଳି କେବେ ଅଦରକାରୀ ପ୍ରସଙ୍ଗ ନିମନ୍ତେ ସମୟ ନଷ୍ଟ କରନ୍ତି ନାହିଁ , ସେମାନଙ୍କ ନିକଟରେ ଅଦରକାରୀ ପ୍ରସଙ୍ଗ ନିମନ୍ତେ ଜମା ସମୟ ନଥାଏ ‌। ଦରକାରୀ ପ୍ରସଙ୍ଗ ଲେଖିବା ନିମନ୍ତେ ଆମପାଖରେ ଯଥେଷ୍ଟ ଅଭିଜ୍ଞ ଉଇକିଆଳି ଓ ଉଇକିଆଳିଙ୍କ ପାଖରେ ଫାଙ୍କା ସମୟ, ଉଭୟର ଘୋର ଅଭାବ, ଏପରି ପରିସ୍ଥିତିରେ ଅଦରକାରୀ ପ୍ରସଙ୍ଗ କିଏ ଓ କେବେ ଉନ୍ନତ କରିବେ ମୁଁ ବୁଝିପାରୁନି ‌। କାମରେ ଆସୁନଥିବା ଅଦରକାରୀ ଜିନିଷ ଲୋକେ ଘରେ ସାଇତି ରଖନ୍ତି ନାହିଁ, କବାଡ଼ିବାଲାକୁ ବିକ୍ରି କରିଦିଅନ୍ତି (ଏହା ଘରର ମୂଲ୍ୟବାନ ଜାଗା ମାଡ଼ିବସିବା ସହ ସୌନ୍ଦର୍ଯ୍ୟହାନୀ କରିଥାଏ ପୁଣି ବାସ୍ତୁ ବିଚାର ମଧ୍ୟ ଅଛି), ଧାନ ଫସଲରେ ଅଦରକାରୀ ବାଳୁଙ୍ଗା ନିୟନ୍ତ୍ରଣ ନିମନ୍ତେ ଚାଷୀ କେତେ ହଇରାଣ ଓ ଖର୍ଚ୍ଚାନ୍ତ ହୁଏ ଆପଣ ଜାଣନ୍ତି, ବିଦ୍ୟାର୍ଥୀ ମାନେ ଅଭ୍ୟାସ କରିବା ନିମନ୍ତେ ଓ ଅଦରକାରୀ କଥା ଲେଖିବା ନିମନ୍ତେ ରଫ ଖାତା ବ୍ୟବହାର କରନ୍ତି ମୂଳ ଖାତାରେ ଲେଖନ୍ତି ନାହିଁ ଠିକ ସେହିପରି ଅଦରକାରୀ ପ୍ରସଙ୍ଗର କୁପ୍ରଭାବ ଆପଣ ଅନୁମାନ କରିପାରୁଥିବେ ବୋଲି ମୋର ଆଶା । ଭବିଷ୍ୟତରେ ଦୀର୍ଘଦିନ ପର୍ଯ୍ୟନ୍ତ ଓଡ଼ିଆ ଉଇକିରେ ଆପଣଙ୍କ ଅବଦାନ ଜାରି ରହୁ ଏହା ଆଶା କରି ରହୁଛି ।--ମୃତ୍ୟୁଞ୍ଜୟ କର (ମୋ ଆଲୋଚନା) ୨୨:୩୩, ୧୧ ଜାନୁଆରୀ ୨୦୧୭ (IST)

Translation[ସମ୍ପାଦନା]

Hello, could you please translate Automatic refresh to ଓଡ଼ିଆ? Thanks -XQV- (ମୋ ଆଲୋଚନା) ୨୩:୪୫, ୧୩ ଜାନୁଆରୀ ୨୦୧୭ (IST)

'Automatic refresh' is ସ୍ଵତଃ ସତେଜନ ।--ମୃତ୍ୟୁଞ୍ଜୟ କର (ମୋ ଆଲୋଚନା) ୦୬:୨୮, ୧୪ ଜାନୁଆରୀ ୨୦୧୭ (IST)

Black and Strong coffee for you[ସମ୍ପାଦନା]

A small cup of coffee.JPG ମୋ ଭଳି ନୂଆ ବିକିଆଳି ପାଇଁ ବ୍ୟସ୍ତତା ଭିତରେ ରହୁଥିବା ଆପଣ ଏତେ ସମୟ ଦେଇଥିବାରୁ ଶ୍ରର୍ଦ୍ଧା ର ସହ ଧନ୍ୟବାଦ । ଆପଣ ଜାଣି ଥିବେ ମୁ ମାତ୍ର ୨୦୧୬ ମସିହା ସେପ୍ଟେମ୍ବର ୧ ତାରିଖ ରେ ହିଁ ଵିକି କୁ ଆସିଲି । ତାହା ଆଗରୁ ମୁ ଵିକି କଣ ଜାଣିଥିଲେ ଭି ଲେଖିବା ବିଷୟ ରେ କିଛି ଭି ଜାଣି ନଥିଲି । ଆପଣ କିଛି ବିଷୟ ଶିଖେଇଛନ୍ତି । ନିଜେ କିଛି ଶିଖିଛି । ଲିଙ୍କ ଜୋଦନ ଆପଣ କହିବା ପରେ ଜାଣିଲି । ସେପରିଆଉ କିଛି ଜାଣିବା କଥା ଆପଣ କହି ଚାଳିବେ । ମୁଁ ଶିଖିଛଲିବି । Susant purohit (ମୋ ଆଲୋଚନା) ୨୧:୦୧, ୧୪ ଜାନୁଆରୀ ୨୦୧୭ (IST)
ଧନ୍ୟବାଦ ସାର । ସବୁ ଉଇକିଆଳି ନିଜନିଜ କାମଧନ୍ଦାରେ ବ୍ୟସ୍ତ ରହୁଥିଲେ ମଧ୍ୟ ନୂଆ ଉଇକିଆଳିଙ୍କ ନିମନ୍ତେ ଓ ପରସ୍ପର ନିମନ୍ତେ କିଛି ସମୟ ବାହାର କରିଥାଆନ୍ତି । ମୁଁ ନୂଆରେ ଯୋଗଦେବା ବେଳେ ପୁରୁଖା ଉଇକିଆଳିମାନେ ମଧ୍ୟ ମୋ ପାଇଁ ଏପରି ସମୟ ଦେଇଥିଲେ, ସେହି ଧାରା ବଜାୟ ରଖି ମୁଁ ଆପଣଙ୍କୁ କିଛି ଶିଖାଇପାରିଥିବାରୁ ଖୁସି, ଖୁସି ମଧ୍ୟ ଏଇଥିପାଇଁ ଯେ ମୁଁ ଯାହା ଶିଖିଥିଲି ତାହା କମିବା/ ସ୍ଥିର ରହିବା ପରିବର୍ତ୍ତେ ବଢ଼ିଲା । ଭବିଷ୍ୟତରେ ପୁଣି ଆପଣଙ୍କଠାରୁ ଶିଖି ଅନେକ ନୂଆ ଉଇକିଆଳି ଉଇକି ଜଗତକୁ ସମୃଦ୍ଧ କରିବେ ଏହା କାମନା କରୁଛି । ଆଗକୁ ଶିଖିବା ବାବଦରେ ଆଲୋଚନା ଉଇକି ଶିକ୍ଷଣ ପୃଷ୍ଠାରେ ଲେଖିବି । --ମୃତ୍ୟୁଞ୍ଜୟ କର (ମୋ ଆଲୋଚନା) ୧୫:୪୭, ୧୯ ଜାନୁଆରୀ ୨୦୧୭ (IST)

ଆଜିର ପ୍ରକାଶିତ ଅନୁବାଦ ଟିକୁ ଦେଖିବାକୁ ଅନୁରୋଧ[ସମ୍ପାଦନା]

ଶ୍ରର୍ଧେୟ ଶ୍ରୀ କର ଆଜି Charles Dicken ବିଷୟ ରେ ପ୍ରସଙ୍ଗ ପ୍ରକାଶ କରିଛି । ସମୟ ହେଲେ ଟିକେ ଦେଖି କହିବେ ଆଉ କିଛି କରାଯିବ କି ?Susant purohit (ମୋ ଆଲୋଚନା) ୧୨:୩୫, ୧୫ ଜାନୁଆରୀ ୨୦୧୭ (IST)

ସାର ନମସ୍କାର
ଆପଣଙ୍କ ଆଗ୍ରହ ନିମନ୍ତେ ଅନେକ ଧନ୍ୟବାଦ ‌ପ୍ରକୃତ କଥା ହେଲା ଉଇକିଆଳିମାନେ ଧିରେ ଧିରେ ଉଇକିଶୈଳୀ ବାବଦରେ ଅବଗତ ହୁଅନ୍ତି । ପ୍ରତ୍ୟେକ ପ୍ରସଙ୍ଗରେ ରହୁଥିବା ଭୁଲ ଗୋଟିଗୋଟି କରି ବାଛିବା ଅପେକ୍ଷା ପ୍ରସଙ୍ଗ ଲିଖନ ଶୈଳୀର ଗୋଟିଏ ଗୋଟିଏ ନୀତି/କୌଶଳ ବାବଦରେ ଧିରେ ଧିରେ ଜାଣିବା ଅଧିକ ଉପଯୋଗୀ ହେବ ବୋଲି ଭାବୁଛି ‌। ପୂର୍ବର ଆମ ଟେଲିଫୋନ ଆଲୋଚନା ଅନୁସାରେ ଉଇକିଶିକ୍ଷଣ ପୃଷ୍ଠାରେ ମୁଁ ଉଇକି ବାବଦରେ ସୁବିଧା ଅନୁସାରେ କିଛି କିଛି ଲେଖିବି ତେବେ ଆପଣ ଯେତେବେଳେ ଇଚ୍ଛା ଉଇକି ବାବଦରେ ଯେକୌଣସି ପ୍ରଶ୍ନ ପଚାରି ପାରିବେ ‌। ଧନ୍ୟବାଦ ସହ --ମୃତ୍ୟୁଞ୍ଜୟ କର (ମୋ ଆଲୋଚନା) ୧୫:୫୫, ୧୯ ଜାନୁଆରୀ ୨୦୧୭ (IST)

ଆନ୍ତର୍ଜାତିକ ମହିଳା ମାସ ଗଣ-ସମ୍ପାଦନା, ୨୦୧୭ ବିଷୟରେ ମାସମେସେଞ୍ଜର ରେ ସୂଚନା ଦେବାକୁ ଅନୁରୋଧ।[ସମ୍ପାଦନା]

ନମସ୍କାର ଭାଇ,

ଆନ୍ତର୍ଜାତିକ ମହିଳା ମାସ ଗଣ-ସମ୍ପାଦନା ଆୟୋଜନ ହେବାର ଏହା ୩ୟ ବର୍ଷ ହେଉଛି, ଆପଣଙ୍କୁ ଅନୁରୋଧ କରୁଛି ତଳେ ଥିବା ସନ୍ଦେଶଟିକୁ ମାସମେସେଞ୍ଜର ସାହାୟତାରେ ସସସ୍ତ ସଚଳ ସଭ୍ୟଙ୍କ ପାଖକୁ ପଠେଇବାକୁ ଅନୁରୋଧ।--ଶୈଳେଶ (ପଚାରିବେ କିଛି?) Face-smile.svg ୦୦:୫୮, ୨୫ ଫେବୃଆରୀ ୨୦୧୭ (IST)

Odia Wikipedia's Feminism logo.svg ଆନ୍ତର୍ଜାତିକ ମହିଳା ମାସ ଗଣ-ସମ୍ପାଦନା, ୨୦୧୭
ଓଡି଼ଆ ଉଇକିପିଡି଼ଆରେ ଆନ୍ତର୍ଜାତିକ ମହିଳା ମାସ ଗଣସମ୍ପାଦନା ଆରମ୍ଭ ହେଇଗଲାଣି, ଆପଣଙ୍କୁ ଭାଗ ନେବାକୁ ଅନୁରୋଧ। --ଶୈଳେଶ (ପଚାରିବେ କିଛି?) Face-smile.svg ୦୦:୫୮, ୨୫ ଫେବୃଆରୀ ୨୦୧୭ (IST)
YesY ୫୪ ଜଣ ନୂଆ ଓ ପୁରୁଣା ଉଇକିଆଳିଙ୍କୁ ସୂଚନା ଦିଆଗଲା ।--ମୃତ୍ୟୁଞ୍ଜୟ କର (ମୋ ଆଲୋଚନା) ୧୦:୪୯, ୩ ମାର୍ଚ୍ଚ ୨୦୧୭ (IST)

CIS-A2Kର ଆଗାମୀ ବର୍ଷର କାର୍ଯ୍ୟ ପାଇଁ ସର୍ଭେ।[ସମ୍ପାଦନା]

ନମସ୍କାର କର ଭାଇ, ଆଗାମୀ ବର୍ଷର କାର୍ଯ୍ୟ ପାଇଁ ଏହା CIS-A2Kର ଗୋଟେ ସର୍ଭେ। ଆପଣ ଚାହିଁଲେ ଯେକୌଣସି ପ୍ରଶ୍ନର ଉତ୍ତର ଦେଇପାରିବେ କିମ୍ବା ଅଗ୍ରାହ୍ୟ କରିପାରିବେ। ଯଦି ଆପଣ ଏହି ପ୍ରଶ୍ନ ଗୁଡ଼ିକର ଉତ୍ତର ଏଠାରେ ଦେବାକୁ ଚାହୁଁନାହାନ୍ତି, ତେବେ ମତେ ଇମେଲ(sailesh.patnaik007At sign.svggmail.com), ଫୋନ୍ (୭୫୩୭୦୯୭୭୭୦) କିମ୍ବା ସ୍କାଇପ୍ ଦ୍ୱାରା ଉତ୍ତର ପଠେଇ ପାରିବେ। ଆପଣ ରବିବାର ସନ୍ଧ୍ୟାରେ ହେଉଥିବା IRCରେ ମଧ୍ୟ ଭାଗ ନେଇ ନିଜ ମତ ରଖିପାରିବେ।

  • ଏହି ବର୍ଷ CIS-A2K ଦ୍ୱାରା କରାଯାଇଥିବା କାର୍ଯ୍ୟ ଓଡ଼ିଆ ଉଇକିପିଡ଼ିଆ ସମୁଦାୟ ଉପରେ କିପରି ପ୍ରଭାବ ପକେଇଛି?
  • ଆପଣଙ୍କ ମତରେ ବର୍ତ୍ତମାନ ଓଡ଼ିଆ ଉଇକିପିଡ଼ିଆର ସ୍ଥିତି କଣ ଅଛି? ଏଥିରେ CIS-A2Kର କାର୍ଯ୍ୟର କିଛି ପ୍ରଭାବ ପଡ଼ିଛି କି? (ନୁଆ ଉଇକିଆଳି ଆସିବା, ନୂତନ ପ୍ରକଳ୍ପ କିମ୍ବା ନୂତନ ସମୁଦାୟ ଆରମ୍ଭ ହେବା ଇତ୍ୟାଦି...)
  • କେଉଁ କ୍ଷେତ୍ରରେ CIS-A2K ଅଧିକ ଧ୍ୟାନ ଦେବା ଦରକାର ଏବଂ କେଉଁ କାର୍ଯ୍ୟ କରିବାରେ ଆମେ ବିଫଳ ହେଇଛୁ?
  • CIS-A2K, ସମୁଦାୟ କୁ କିପରି ଅଧିକ ସାହାଯ୍ୟ କରିପାରିବ?
  • ଓପେନ୍ ସୋର୍ସ, ଓପେନ୍ ମାପ୍ସ କିମ୍ବା ଅନ୍ୟ ଓପେନ ପ୍ରକଳ୍ପ ଦ୍ୱାରା CIS-A2K କିପରି ସମୁଦାୟର ସହାୟତା କରିପାରିବ?
  • ଏହି ବର୍ଷ ଆପଣ CIS-A2Kକୁ ଓଡ଼ିଆ ଉଇକିପିଡ଼ିଆ ପାଇଁ କେଉଁ କାମ କରିବା ପାଇଁ ପରାମର୍ଶ ଦେବ? (ଅଧିକ କର୍ମଶାଳା, ଗଣସମ୍ପାଦନା, GLAM ପ୍ରକଳ୍ପ, ନୁଆ ଟୁଲ ତିଆରି କରିବା, ଇତ୍ୟାଦି....)--ଶୈଳେଶ (ପଚାରିବେ କିଛି?) Face-smile.svg ୨୩:୧୨, ୩ ମାର୍ଚ୍ଚ ୨୦୧୭ (IST)

ଆପଣଙ୍କ ଆଜିର ସନ୍ଦେଶ ବାବଦ ରେ[ସମ୍ପାଦନା]

ଶ୍ରର୍ଧେୟ କର ବାବୁ , 

ଆପଣ ବହୁମୂଲ୍ୟ ସମୟ ଦେଇ ମୋ ଲେଖା ଉପରେ ମତ ଦେଇଥିବାରୁ ଧନ୍ୟବାଦ । ଜାଣି ଭାରି ଖୁସି ଲାଗିଲା ଯେଓଡ଼ିଆ ଉଇକି ରେ ସପ୍ତାହ କୁ ଲକ୍ଷେ ଲେଖା ଭି ଦେଇ ପାରିବା ପରି ସ୍ପେଶ୍ଯାଲିସ୍ଟ ମାନେ ରହିଛନ୍ତି । ତେବେ ମୋତେ 3/4 ଟି ଅନୁବାଦ ଦେବାକୁ 12 ଘଣ୍ଟା ଯାଏ ବସିବାକୁ ହେଇଥାଏ । ତେଣୁ ମୋ ଲେଖିବାର କିଛି ମାନେ ନାହିଁ । ଆପଣ ନିର୍ଭୁଲ ଓ ଦରକାରୀ ପ୍ରସଙ୍ଗ ଉପରେ ଲେଖା ରହିବା କଥା ଯାହା କହୁଛନ୍ତି ତାହା ଏକ ଦ୍ରୁଷ୍ଟି ରୁ ଯୁକ୍ତିଯୁକ୍ତ । ତେବେ ଇଂରାଜୀ ଉଇକି ରେ ଯେକୌନଶୀ ବିଷୟ ଉପରେ ଲେଖା ରହିଥିବା ତା କଣ ଭୁଲ ? ସେହି ଇଂରାଜୀ ଉଇକି ରେ ପ୍ରାୟ 50 % ଲେଖା ନିଶ୍ଚୟ ଅସମ୍ପୂର୍ଣ ମଧ୍ୟ ରହିଛି । ଭୂକଳ ତ୍ରୁଟି ମଧ୍ୟ ରହିଛି । ତାକୁ ସୁଧାରିବା କାମ ସମୟ କ୍ରମେ ନିଶ୍ଚୟ ହେବ ସନ୍ଦେହ ନାହି ।ଓଡ଼ିଆ ଉଇକି ରେ ଆଗରୁ ହେଇଥିବା ଅନେକ ଅନୁବାଦ ମୁ ଦେଖିଛି । ସେଥିରୁ କେତେକ ସମ୍ପୂର୍ଣ ଓ ଉନ୍ନତ ନିଶ୍ଚୟ କିନ୍ତୁ ତାହା ସହ ଅନେକ ଅନୁବାଦ ଏପରି ରହିଛି ଯାହାର ମୂଳ ଇଂରାଜୀ ସମ୍ପୂର୍ଣ ଥିଲେ ମଧ୍ୟ ଅନୁବାଦ ରେ କେବଳ framework ଓ ଶୀର୍ଷକ ଦେଇ ଛଡା ହେଇଛି । ଏଇ ମହିଳା ମାସ ରେ ଆସିଥିବା " ସାବିତ୍ରୀବାଇ ଫୁଲେ " ପରି କେତେତି ଅନୁବାଦ କିଛି ବନ୍ଧୁ ଦେଇଛନ୍ତି ଦେଖିବେ । ବନାନ ଗତ ତ୍ରୁଟି ଛଡା ଭାଷା ର ଭାବ ମଧ୍ୟ ଦେଖିବେ । ଆପଣ କହିଛନ୍ତି , ଭୁଲ ତ୍ରୁଟି ଦର୍ଶାଇଲେ ନୂଆ ଉଇକିପିଆଳି ମାନେ ଲେଖା ବନ୍ଦ କରି ଦିଅନ୍ତି । may be । କିନ୍ତୁ ଆପଣ ଯଦି ମୂଳରୁ ସେନମାନଙ୍କୁ ଉତଶାହିତ ନ କରି ଟଙ୍କଟର କେବଳ ତ୍ରୁଟି କୁ ଧରିବେ ତେବେ ସେମାନେ ନିଶ୍ଚୟ ହର୍ଟ ହେବେ । ମୁ ବାରମ୍ବାର ଅନୁରୋଧ ସତ୍ବେ କେହି ମୋତେ କେତେକ ବିଷୟ ରେ ବଟେଇ ଦେଲେ ନାହି। ମୁ ନିଜେ ନିଜେ ଯୋଗଦେଇଥିଲି । ଭୁବନେଶ୍ବର ରେ ଅନେକ ସମୟ ରେ ରହେ ମଧ୍ୟ । କିନ୍ତୁ ମୁଁ ବୟସ୍କ ଲୋକ । ଅବସର ନେଇ ସାରିଲିଣି ବର୍ଷେ ଆଗରୁ । ମୁ ପଢିକି ବେସୀ ଶିଖି ପାରିବି ନାହି କି ସବୁ କାର୍ମଶାଳା କୁ ଯିବା ମୋ ପାଇଁ ସମ୍ଭବ ହେଇପାରିବନି । ସ୍କୂତର ରେ ଭୁଂବନେଶ୍ବର ରେ ଦୂର ପଥ ଯିବା ପାଇଁ ମୋ ପାଇଁ ସହଜ ନୁହେ । ଆପଣ ବା ଅନ୍ୟ କେହି ବନ୍ଧୁ କିଛି ସମୟ ଦେଇ କେଉଁଠାରେ ଶିଖେଇ ଦେଇ ପାରନ୍ତେ । ସେଦିନ ପାଠଶାଳା ବାର୍ଷିକୋତଶବ ରେ ଆପଣ ଚେଷ୍ଟା କରିଥିଲେ କିନ୍ତୁ ସମ୍ଭବ ନ ଥିଲା ସମୟ ପାଇବା ।ଆପଣ ଯଦି ମୋ ବର୍ତମାନ ର ଅନୁବାଦ ଦେଖିଥିବେ ନିଶ୍ଚୟ କିଛି ଲିଙ୍କ ଇତ୍ୟାଦି ଦେଇ ଥିବାର ଦେଖିଥିବେ । ନିଜେ ଚେଷ୍ଟା କରି ଯାହା ଜାଣିପାରୁଛି ନହେଲେ କିଛି ସହାୟତା ବା ଉତଶାହ ମିଳିନହି । ମୋ ମତ ରେ ଦରକାରୀ ହାଉ ବା ନ ହାଉଓଡ଼ିଆ ଉଇକି ରେ ମଧ୍ୟ ଯଥେଷ୍ଟ ପ୍ରସଙ୍ଗ ବିଷୟ ରେ ରହିବା କଥା । ତେବେ ଆପଣଙ୍କ କଥା ପାଇଁ ଆଉ ଅଧିକ ଦେବୀ ନାହି ।

ଆଗଥର ର ଗୋଟେ ପ୍ରଶ୍ନ ଆପଣ ପଚାରି ଥିଲେ । ନୂଆ ସଦସ୍ୟ କିପରି ଅଣାଯାଇପାରିବ । ଏହି କାର୍ଯ୍ୟ ପାଇଁ ପୁରୁଖା ସଭ୍ୟ ମାନଙ୍କୁ କିଛି real ପରିଶ୍ରମ ଓ ସମୟ ଦେବାକୁ ହେବ । ବିଭିନ୍ନ ସ୍ଥାନ ରେ ଉଇକି ଉପରେ ବୁଝେଇବା ପାଇଁ ମିଟିଂ କରିବାକୁ ହେବ । organise କରିବା ପାଇଁ ସମୟ ଦେବାକୁ ହେବ । ଏଡୁକଟେଡ ଲୋକଙ୍କୁ ବସି ବୁଝେଇ ଶିଖେବାକୁ ହେବ । ଇଚ୍ଛା ଶକ୍ତି ଥିଲେ ଏହା ନିଶ୍ଚୟ ସମ୍ଭବ ହେବ । ଆପଣ ନୂଆ ସଦସ୍ୟ ଙ୍କୁ ନିରୁତ୍ଶାହିତ କରନ୍ତୁ ନାହି। ସେନମାନଙ୍କ ଭିତରୁ କିଛି ବହୁତ ଭଲ ବାହାରିବେ । ପୁଣି ଅବସର ନେଇଥିବା କିଛି ଶିକ୍ଷିତ ବ୍ୟକ୍ତି ଙ୍କୁ ମଧ୍ୟ ଠିକ ଭାବରେ କଥା ହେଲେଓଡ଼ିଆ ଉଇକି ରେ ସେମାନେ ନିଶ୍ଚୟ ସହଯୋଗ କରିବେ , ଲେଖିବେ । ତାଙ୍କ ପକ୍ଷେ ସମୟ ଦେବା ସହଜ ହେବ । ମୋ ନିଜ କଥା , ମୁ ଉଇକି ରେ ନ ଲେଖିଲେ ମଧ୍ୟ ମୋର ବହୁତ କାମ ରହୁଛି । ତେବେ ମତେ ଭଲ ଲାଗିଥିଲାଓଡ଼ିଆ ଭାଷା ପାଇଁ କିଛି ଅବଦାନ ଦେଇ ପାରିବି ଉଇକି ରେ ଲେଖା ଦେଇ ବୋଲି । ସେଇଥିପାଇଁ ଅନ୍ୟ ଲେଖା କମ କରି ଉଇକି ପାଇଁ ସମୟ ଦଉଥିଲି । ମୋର ଏବେ ଦୃଷ୍ଟିଗତ ସମସ୍ଯା ବାହାରିଛି । କମ୍ପୁଟର ରେ ସାନ ଅକ୍ଷର ପଢିବାରେ ଅସୁବିଧା ରହେ । ଅନ୍ୟ ଲେଖା ରେ ବନାନ ଗତ ତ୍ରୁଟି ସେହି ସମ୍ପାଦକ ମାନେ ସୁଧାରୀ ଦେଇଥାନ୍ତି । ତେବେ ଉଇକି ରେ ମୁ ମୋ ଲେଖା ନିଜେ ନିଶ୍ଚୟ କିଛି କିଛି ସୁଧାରିଚାଲିଛି । ସବୁ କୁ ମୁ ସୁଧାରି ଦେବି ସମୟ କ୍ରମେ । ଠିକ ତ କର ବାବୁ ? ପୁନଶ୍ଚ ଧନ୍ୟବାଦ ଓ ରବିବାସରୀୟ ଶୁଭସନ୍ଧ୍ୟା ସହ


ପ୍ରିୟ ସୁଶାନ୍ତ ସାର, ଓଡ଼ିଆ ଉଇକିପିଡ଼ିଆରେ ଆପଣଙ୍କ ନିରନ୍ତର ଅବଦାନ ନିମନ୍ତେ ସାଧୁବାଦ । ଆପଣଙ୍କ କେତେକ ମନ୍ତବ୍ୟର ଉତ୍ତର

  • ଲେଖା ଉପରେ ମତ
ହିନ୍ଦୀ ଉଇକିରେ ଆପଣ ବ୍ୟବହାର କରିଥିବା ଓଡ଼ିଆ ଲିପି ଦେଖି ହିନ୍ଦୀ ଉଇକିର ଜଣେ ସାଥି ଉଇକିଆଳି, ଓଡ଼ିଆ ଉଇକିପିଡ଼ିଆରେ ଆପଣଙ୍କ ପୁରୁଣା ଅବଦାନସବୁ ଖୋଜି ଦେଖିଲେ ଓ ଓଡ଼ିଆ ଉଇକିର ପ୍ରସଙ୍ଗରେ ରୋମାନ ଲିପିର ବହୁଳ ବ୍ୟବହାର ଓ ଅଦରକାରୀ ଛାଞ୍ଚର ବ୍ୟବହାର ବାବଦରେ କେତେକ ପ୍ରତିକୁଳ ମନ୍ତବ୍ୟ ଦେଲେ । ସେଇଥିପାଇଁ ମୁଁ ଆପଣଙ୍କ ଲେଖା ଉପରେ ପୁଣିଥରେ ମତ ଦେବାକୁ ବାଧ୍ୟ ହେଲି ।
  • ସପ୍ତାହକୁ ଲକ୍ଷେ ପ୍ରସଙ୍ଗ
ସପ୍ତାହକୁ ଲକ୍ଷେ ପ୍ରସଙ୍ଗ ତିଆରି କରିପାରିବା ଭଳି ବୈଷୟିକ ଦକ୍ଷତା ଥିବା ଉଇକିଆଳିଙ୍କ ସହ ନିରନ୍ତର ଭାବେ ପ୍ରତ୍ୟେକ ଦିନ ଗୋଟିଏ କରି ପ୍ରସଙ୍ଗ ଲେଖୁଥିବା (ସୁବାସ ସାର), ମାସକୁ କେବଳ ଦୁଇ/ ତିନିଟି ଭଲ ପ୍ରସଙ୍ଗ ଲେଖୁଥିବା (ପ୍ରିତି ଭାଇ) ଓ ମାସରେ ଗୋଟିଏ ବି ନୂଆ ପ୍ରସଙ୍ଗ ଲେଖୁନଥିବା (ମୁଁ) ଉଇକିଆଳି ମଧ୍ୟ ଅଛନ୍ତି ।
  • ୩/୪ ଟି ଅନୁବାଦ ନିମନ୍ତେ ୧୨ଘଣ୍ଟା
ମୁଁ ପୁଣିଥରେ ଆପଣଙ୍କୁ ଅନୁରୋଧ କରିବି ୧୨ ଘଣ୍ଟାରେ ୩/୪ଟି ନୂଆ ପ୍ରସଙ୍ଗ ଅନୁବାଦ କରିବା ବଦଳରେ ଗୋଟିଏ ନୂଆ ପ୍ରସଙ୍ଗ ଓ ତାସହ ୨/୩ଟି ପୁରୁଣା ପ୍ରସଙ୍ଗର ଉଇକିକରଣ କଲେ ଭଲ ହେବ ।
  • ନିର୍ଭୁଲ ଓ ଦରକାରୀ ପ୍ରସଙ୍ଗ ରହିବା ଏକ ଦୃଷ୍ଟିରୁ ଯୁକ୍ତିଯୁକ୍ତ
ନିର୍ଭୁଲ ଓ ଦରକାରୀ ପ୍ରସଙ୍ଗ ବାବଦରେ ସମସ୍ତ ସକ୍ରିୟ ଉଇକିଆଳି ମୋ ମତକୁ ସମର୍ଥନ ଜଣାଇବେ ବୋଲି ମୁଁ ଆଶାବାଦୀ ।
  • ଇଂରାଜୀ ଉଇକିରେ ଯେକୌଣସି ବିଷୟ ଉପରେ ଲେଖା
ଇଂରାଜୀର ଉଇକିର ପାଠକ ଓ ସମ୍ପାଦକ ପ୍ରାୟ ପ୍ରତ୍ୟେକ ଦେଶରେ ଅଛନ୍ତି ସେହି କାରଣରୁ ସେଥିରେ ପ୍ରତ୍ୟେକ ବିଷୟ ଉପରେ ଲେଖା ରହିଛି । ଓଡ଼ିଆ ଉଇକିର ସଚଳ ସଭ୍ୟଙ୍କ ସଂଖ୍ୟା ୯୦ ଥିବା ବେଳେ ଇଂରାଜୀ ଉଇକିର ସଚଳ ସଭ୍ୟଙ୍କ ସଂଖ୍ୟା ୧,୪୦,୦୬୬ ଏଥିରୁ ଆପଣ ବୁଝିପାରୁଥିବେ...
  • ଇଂରାଜୀ ଉଇକିର କେତେ ପ୍ରସଙ୍ଗ ଅସମ୍ପୂର୍ଣ୍ଣ ରହିଛି ଜାଣିନଥିଲେ ସୁଦ୍ଧା ମୁଁ ଆପଣଙ୍କ ସହ ଏକମତ ଯେ ଇଂରାଜୀ ଉଇକିର ଅନେକ ପ୍ରସଙ୍ଗ ଅସମ୍ପୂର୍ଣ୍ଣ (ଗୋଟେ ଦୃଷ୍ଟିରୁ ଦେଖିଲେ ୯୯% ପ୍ରସଙ୍ଗ ଅସମ୍ପୂର୍ଣ୍ଣ) ‌ ଇଂରାଜୀ ଉଇକିରେ ପ୍ରତ୍ୟେକ ଦେଶର ଉଇକିଆଳି ନିଜ ନିଜ ଦେଶର ପ୍ରସଙ୍ଗ ସୁଧାରିବା ସହ ଅନ୍ୟ ପ୍ରସଙ୍ଗ ମଧ୍ୟ ସଜାଡ଼ିଥାନ୍ତି ଓଡ଼ିଆ ଉଇକିରେ ପ୍ରସଙ୍ଗ ସୁଧାରିବା ନିମନ୍ତେ ବହୁତ କମ ଆଗ୍ରହୀ ଉଇକିଆଳି ଅଛନ୍ତି ।
  • ଓଡ଼ିଆ ଉଇକିରେ ଅସମ୍ପୂର୍ଣ୍ଣ ଅନୁବାଦ
ଓଡ଼ିଆ ଉଇକିରେ କେତେକ ଅସମ୍ପୂର୍ଣ୍ଣ ଅନୁବାଦ ପ୍ରସଙ୍ଗ ରହିଥିବା ମତ ସହ ସମ୍ପୂର୍ଣ୍ଣ ଏକମତ । ମଣିଷ ନିଜେ ଭୁଲ କରିବା ପରେ/ ଅନ୍ୟର ଭୁଲ ଦେଖିବା ପରେ ସତର୍କ ହେବା ଉଚିତ । ଅନ୍ୟ ଭାଷାର ଉଇକି ସହ ଓଡ଼ିଆ ଉଇକିରେ ହେ(ଇ)ଉଥିବା ଭୁଲ ଦେଖିବା ପରେ ହିଁ ‘ଓଡ଼ିଆ ଉଇକିର ସକ୍ରିୟ ଉଇକିଆଳିମାନେ ପ୍ରସଙ୍ଗ ସଂଖ୍ୟା ବଦଳରେ ପ୍ରସଙ୍ଗର ଗୁଣବତ୍ତାକୁ ଅଗ୍ରାଧିକାର ଦେବାକୁ ନିଷ୍ପତ୍ତି ନେଇଥିଲେ ’ ।
  • ସାବିତ୍ରୀ ବାଇ ଫୁଲେ ପ୍ରସଙ୍ଗ
ସାବିତ୍ରୀ ବାଇ ଫୁଲେ ପ୍ରସଙ୍ଗ ଲେଖିଥିବା ଉଇକିଆଳି (ସର୍ବକାଳୀନ ସମ୍ପାଦନା କ୍ରମାଙ୍କ: ୩୫) ଆରମ୍ଭରୁ ଏ ପର୍ଯ୍ୟନ୍ତ କେବଳ ୩୨ଟି ପ୍ରସଙ୍ଗ ତିଆରି କରିଥିବା ବେଳେ ଓ ଆପଣ (ସର୍ବକାଳୀନ ସମ୍ପାଦନା କ୍ରମାଙ୍କ: ୦୭) ୧୧୪୪ଟି ପ୍ରସଙ୍ଗ ତିଆରି କରିସାରିଲେଣି ଏଣୁ ତୁଳନା କରିବା ଠିକ ହେବନି ।
  • ପ୍ରସଙ୍ଗ ଦେଖିବା
ଆପଣଙ୍କ ଅବଗତି ନିମନ୍ତେ ଜଣାଉଛି ଓଡ଼ିଆ ଉଇକିରେ ବଦଳ ହେଉଥିବା ପ୍ରାୟ ପ୍ରତ୍ୟେକ ପୃଷ୍ଠାକୁ ମୁଁ ଅନ୍ତତଃ ଥରେ ଦେଖିଥାଏ ଓ ସେସମସ୍ତ ପୃଷ୍ଠାରେ ଥିବା ଅନେକ ଭୁଲ ମୋ ନଜରକୁ ଆସୁଥିଲେ ମଧ୍ୟ ସମସ୍ତ ଭୁଲ ସୁଧାରିବା ମୋ ଜଣଙ୍କ ଦ୍ୱାରା ସମ୍ଭବ ନୁହେଁ । ମହିଳାମାସ ଗଣ ସମ୍ପାଦନାରେ ତିଆରି ହେଇଥିବା କିଛି ପ୍ରସଙ୍ଗ ମୁଁ ଲିଭାଇ ସାରିଛି । ବଳକା କିଛି ଅନୁପଯୁକ୍ତ ପ୍ରସଙ୍ଗ, ଉଇକି ନୀତି ଅନୁସାରେ ଯେଉଁସବୁ ପୃଷ୍ଠା ଗୁଡ଼ିକ ଲିଭାଯିବା ଉଚିତ ସେସବୁ ମୁଁ ନିଶ୍ଚିତ ଭାବେ ଲିଭାଇବି, ଏଥିରେ ସନ୍ଦେହ ନାହିଁ ।
  • ନୂଆ ଉଇକିଆଳି ଲେଖା ବନ୍ଦ କରି ଦିଅନ୍ତି
ମୁଁ କୌଣସି ନିରାଧାର କଥା ଲେଖିନି, ପ୍ରମାଣ ସ୍ୱରୂପ ଆପଣଙ୍କୁ ସୁକାନ୍ତ ସରକାରଙ୍କ ବାବଦରେ ପୂର୍ବରୁ ଜଣାଇଛି, ସେହିପରି ଆଉରି ଅନେକ ଅଛନ୍ତି...
  • ତ୍ରୁଟି ଜଣାଇଲେ ସେମାନେ ନିଶ୍ଚୟ ହର୍ଟ ହେବେ
ମୁଁ ଜାଣିବାରେ କୌଣସି ଉଇକିଆଳି ଜାଣି ଜାଣି କରନ୍ତିନାହିଁ ତେଣୁ ମୂଳରୁ ଭୁଲ କେଉଁଠି ରହୁଛି ଜଣେଇଲେ, ଭବିଷ୍ୟତରେ ହେବାକୁ ଥିବା ଅନେକ ଭୁଲକୁ ରୋକି ହେବ ଯାହା ଫଳରେ ସମ୍ପୃକ୍ତ ଉଇକିଆଳିଙ୍କ ସହ ସାଥି ଉଇକିଆଳିଙ୍କ ମୂଲ୍ୟବାନ ଶ୍ରମ ଓ ସମୟ ଅନ୍ୟ ଉପଯୋଗୀ କାମରେ ଲାଗିପାରିବ । ବାରମ୍ବାର ହେଉଥିବା ଭୁଲ ଦେଖିବା ପରେ ଜଣେ ଉଇକିଆଳି ପାଖରେ ୪ଟି ବାଟ ଥାଏ
  1. ଭୁଲ କରୁଥିବା ଉଇକିଆଳିଙ୍କୁ ସେ କରୁଥିବା ଭୁଲ ଓ ତାହାକୁ ସଂଶୋଧନ କରିବାର ବାଟ ବତାଇବା
  2. ଭୁଲକୁ ନିଜେ ସଂଶୋଧନ କରିବା
  3. ଜ୍ଞାନରଞ୍ଜନ, ଶିତିକଣ୍ଠଶୁଭାଶିଷ ଭଳି ସାଥି ଉଇକିଆଳିଙ୍କୁ ବଟ ମାଧ୍ୟମରେ ସଂଶୋଧନ କରିବାକୁ ଅନୁରୋଧ କରିବା
  4. ଭୁଲ ଦେଖି ନିରବ ରହିବା
(ସଦ୍ୟତମ ଉଦାହରଣ: ସାଥି ଉଇକିଆଳି ଗପୁ ଭାଇ ଏହିପରି ଏକ ଛୋଟ ଭୁଲ ବାରମ୍ବାର କରୁଥିବା ଦେଖିବା ପରେ ଶ୍ରେଣୀ: ଜୀବନ୍ତ ମଣିଷ ବଦଳରେ ଶ୍ରେଣୀ:ଜୀବିତ ବ୍ୟକ୍ତି ଯୋଡ଼ିବାକୁ ଅନୁରୋଧ କରିଥିଲି । ଗତ ୩୧ ମାର୍ଚ୍ଚ ଦିନ ସେ କରିଥିବା ସମସ୍ତ ଭୁଲ ସୁଧାରି ଦେଇଥିଲେ । ଭବିଷ୍ୟତରେ ସେ ଲେଖିବାକୁ ଯାଉଥିବା ବାକି ପ୍ରସଙ୍ଗରେ ଏସବୁ ଭୁଲ ଆଉ ରହିବନି ବୋଲି ମୁଁ ଆଶାବାଦୀ । ପ୍ରଥମ ବାଟଟିକୁ ସର୍ବୋତ୍ତମ ମନେକରି ସେ କରୁଥିବା ଭୁଲ ବାବଦରେ ତାଙ୍କୁ ଜଣାଇଥିଲି ।) ପୂର୍ବରୁ ଶୁଭାଶିଷ ଓ ଅଂଶୁମାନ ଆଦି ସାଥି ଉଇକିଆଳିମାନେ ଠିକ ଏହିଭଳି ପ୍ରଥମ ବାଟଟି ବାଛି ମୁଁ କରୁଥିବା ଭୁଲ ଓ ତାକୁ ଠିକ କରିବା ବାଟଟି ବତୋଉଥିଲେ ଯାହା ଫଳରେ ଧିରେ ଧିରେ ମୁଁ ପ୍ରସଙ୍ଗ ଲେଖିବା ଶିଖିଲି ।
ମୋର ବ୍ୟକ୍ତିଗତ ମତ ହେଲା ଲମ୍ବାସମୟ ପର୍ଯ୍ୟନ୍ତ ଉଇକିରେ ସକ୍ରିୟ ରହି ଏହାକୁ ସମୃଦ୍ଧ କରିବାକୁ ଆଗ୍ରହୀ ଥିବା ଯେକୌଣସି ଉଇକିଆଳି ଏଥି ନିମନ୍ତେ ଅପମାନିତ ହେବାର ସମ୍ଭାବନା ୦% । ଭୁଲ ଜଣାଇବା ସେହି ନୂଆ ଉଇକିଆଳିଙ୍କ ନିମନ୍ତେ ବହୁ-ଉପଯୋଗୀ ସାବ୍ୟସ୍ତ ହେଇଥାଏ
  • ବାରମ୍ବାର ଅନୁରୋଧ ସତ୍ତ୍ଵେ କେହି ସହଯୋଗ ନ କରିବା
ଚାଟସଭାରେ ଆପଣ ଦୁଇଥର (୩ ସେପ୍ଟେମ୍ବର ୨୦୧୬ ଓ ୭ ସେପ୍ଟେମ୍ବର ୨୦୧୬) ପ୍ରଶ୍ନ ପଚାରିବା ଆପଣଙ୍କୁ ଉତ୍ତର ଦିଆଯାଇଥିଲା । ଏହାବାଦ, ଆପଣ କାହାକୁ କେଉଁଠି ବାରମ୍ବାର ଅନୁରୋଧ କରିଥିଲେ ମୁଁ ସେବାବଦରେ ଅବଗତ ନାହିଁ, କେଉଁ କେଉଁ ବିଷୟରେ ଆପଣଙ୍କ ସାହାଯ୍ୟ ଦରକାର ? ମୋ ଦ୍ୱାରା ଯଦି କିଛି ସମ୍ଭବ ଜଣେଇବେ, ମୁଁ ଚେଷ୍ଟା କରିବି ।
  • ପଢିକି ବେସୀ ଶିଖି ପାରିବି ନାହି କି ସବୁ କାର୍ମଶାଳା କୁ ଯିବା ମୋ ପାଇଁ ସମ୍ଭବ ହେଇପାରିବନି । ସ୍କୁଟରରେ ଭୁବନେଶ୍ଵରରେ ଦୂର ପଥ ଯିବା ପାଇଁ ମୋ ପାଇଁ ସହଜ ନୁହେ । ଆପଣ ବା ଅନ୍ୟ କେହି ବନ୍ଧୁ କିଛି ସମୟ ଦେଇ କେଉଁଠାରେ ଶିଖେଇ ଦେଇ ପାରନ୍ତେ
ପୂର୍ବରୁ ମୁଁ ଆପଣଙ୍କୁ ଜଣେଇଥିଲି ଭୁବନେଶ୍ୱରରେ ରହୁଥିବା ସାଥି ଉଇକିଆଳିମାନେ ଉଇକିଟୁଙ୍ଗି ମେଳଣ (ପ୍ରତ୍ୟେକ ମାସର ଦ୍ୱିତୀୟ ରବିବାର) ବେଳେ ଆପଣଙ୍କୁ ଶିଖେଇପାରିବେ । ପୁରୁଖା ଉଇକିଆଳି ସୁବାସ ସାର ପ୍ରାୟ ଅଧିକାଂଶ ଦିନ ଆପଣଙ୍କୁ ଶିଖେଇବା ନିମନ୍ତେ ସମୟ ବାହାର କରି ପାରିବେ । ମୁଁ ବା ଅନ୍ୟ କେହି ବନ୍ଧୁ ସମୟ ଦେଇ କେଉଁଠାରେ ଆପଣଙ୍କୁ ଶିଖେଇବୁ ବୋଲି ଆଶା କରୁଛନ୍ତି ?
  • ଆପଣ ଚେଷ୍ଟା କରିଥିଲେ କିନ୍ତୁ ସମ୍ଭବ ନ ଥିଲା
ମୁଁ ସେଦିନ ଚେଷ୍ଟା କରି ଯେତିକି ବତାଇଥିଲି (ପ୍ରସଙ୍ଗ ଶିର୍ଷକ ଭୁଲ ଥିଲେ ନୂଆ ନାମକୁ ଘୁଞ୍ଚାଇବା, କେତେକ ସାଧାରଣ ଭୁଲକୁ ସଂଶୋଧନ କରିବା ଇତ୍ୟାଦି) ସେତିକି ବି ଆପଣ ବ୍ୟବହାର କରୁଥିବା ମୁଁ ଦେଖିବାକୁ ପାଉନି ।
  • ନିଜେ ଚେଷ୍ଟା କରି ଯାହା ଜାଣିପାରୁଛି ନହେଲେ କିଛି ସହାୟତା ବା ଉତ୍ସାହ ମିଳିନାହିଁ
ଏହା ସ୍ୱେଚ୍ଛାସେବୀଙ୍କ ଦ୍ୱାରା ପରିଚାଳିତ ଏକ ପ୍ରକଳ୍ପ ହେଇଥିବାରୁ ଅଧିକାଂଶ ଉଇକିଆଳି ନିଜେ ଚେଷ୍ଟା କରି ଶିଖିଥାନ୍ତି । ବିଭିନ୍ନ ଉଇକିମେଳଣ ଓ କର୍ମଶାଳା ବେଳେ ପୁରୁଖା ଉଇକିଆଳିଙ୍କ ଅଭିଜ୍ଞତାରୁ ଲାଭ ଉଠେଇବାର ସୁଯୋଗ ପାଇଥାନ୍ତି । କେଉଁ ପ୍ରକାର ସହାୟତା ଓ ଉତ୍ସାହ ଆଶା କରିଥିଲେ ଓ ପାଇଲେ ନାହିଁ ଜଣେଇବେ ।
  • ଦରକାରୀ ହେଉ ବା ନ ହେଉଓଡ଼ିଆ ଉଇକିରେ ମଧ୍ୟ ଯଥେଷ୍ଟ ପ୍ରସଙ୍ଗ
ଅଦରକାରୀ ପ୍ରସଙ୍ଗ ରହିବା ବାବଦରେ ମୁଁ ଆପଣଙ୍କ ସହ ଏକମତ ନୁହେଁ । (ଲେଖିବା ଅନାବଶ୍ୟକ ଉଇକିରେ ମୋର ବ୍ୟକ୍ତିଗତ ଭାବନା/ ମତର କୌଣସି ମୂଲ୍ୟ ନାହିଁ) । ମୋର ବ୍ୟକ୍ତିଗତ ମତ ହେଲା ବୁର୍କିନା ଫାସୋ ରେ ରେଳ ବ୍ୟବସ୍ଥା ଭଳି ପ୍ରସଙ୍ଗ ବଦଳରେ ଭାରତୀୟ ରେଳ (Indian Railways) ପ୍ରସଙ୍ଗ ନିମନ୍ତେ ସମୟ ଖର୍ଚ୍ଚ କରିବା ଅଧିକ ଉପଯୋଗୀ । ପୂର୍ବରୁ (୧୧ ଜାନୁଆରୀରେ) ଅଦରକାରୀ ପ୍ରସଙ୍ଗ ବାବଦରେ ଲେଖିଥିଲି, ଆଉଥରେ ଲେଖିବା ଠିକ ହେବନି ବୋଲି ଭାବୁଛି ।
  • ପୁରୁଖା ସଭ୍ୟ ମାନଙ୍କୁ କିଛି real ପରିଶ୍ରମ ଓ ସମୟ ଦେବାକୁ
ପୁରୁଖା ସଭ୍ୟ ସମୟ ଦେଇ ପ୍ରକୃତରେ ପରିଶ୍ରମ କରୁଥିବାରୁ ହିଁ ମେଳଣ ଓ କର୍ମଶାଳା ହେଇପାରୁଛି । ଏବେ ଅନେକ ସ୍ଥାନରେ ହେଉଥିବା ମେଳଣ ଓ କର୍ମଶାଳା ନିମନ୍ତେ ସାଥି ଉଇକିଆଳିମାନେ କେତେ ସମୟ ଦେଉଛନ୍ତି ଓ କେତେ ପରିଶ୍ରମ କରୁଛନ୍ତି ମୁଁ ସେ ବାବଦରେ ଅବଗତ ଅଛି ।
  • ବିଭିନ୍ନ ସ୍ଥାନ ରେ ଉଇକି ଉପରେ ବୁଝେଇବା ପାଇଁ ମିଟିଂ କରିବାକୁ ହେବ । organise କରିବା ପାଇଁ ସମୟ ଦେବାକୁ ହେବ । ଏଡୁକଟେଡ ଲୋକଙ୍କୁ ବସି ବୁଝେଇ ଶିଖେବାକୁ ହେବ । ଇଚ୍ଛା ଶକ୍ତି ଥିଲେ ଏହା ନିଶ୍ଚୟ ସମ୍ଭବ ହେବ ।
କେଉଁଠି ଯଦି କାହାକୁ ବୁଝେଇବା ଆବଶ୍ୟକ ହେଉଛି ତେବେ ଜଣାନ୍ତୁ ଯୋଜନା କରି ସେମାନଙ୍କ ନିମନ୍ତେ ଏକ କର୍ମଶାଳା ବା ମେଳଣ ଆୟୋଜନ କରିପାରିବା ।
  • ଆପଣ ନୂଆ ସଦସ୍ୟଙ୍କୁ ନିରୁତ୍ସାହିତ କରନ୍ତୁ ନାହିଁ, ସେମାନଙ୍କ ଭିତରୁ କିଛି ବହୁତ ଭଲ ବାହାରିବେ ।
ମୋର କେଉଁ କେଉଁ କାର୍ଯ୍ୟକଳାପରୁ ମୁଁ ନୂଆ ସଦସ୍ୟମାନଙ୍କୁ ନିରୁତ୍ସାହିତ କରୁଥିବା ଆପଣ ଜାଣିଲେ? ନୂଆ ଉଇକିଆଳି ଭିତରୁ କେହି ଭଲ ବାହାରନ୍ତୁ ବା ନ'ବାହାରନ୍ତୁ ସେମାନେ ହିଁ ଭବିଷ୍ୟତରେଓଡ଼ିଆ ଉଇକିକୁ ସମ୍ଭାଳିବେ ।
  • ଅବସର ନେଇଥିବା କିଛି ଶିକ୍ଷିତ ବ୍ୟକ୍ତିଙ୍କୁ ମଧ୍ୟ ଠିକ ଭାବରେ କଥା ହେଲେ ଓଡ଼ିଆ ଉଇକିରେ ସେମାନେ ନିଶ୍ଚୟ ସହଯୋଗ କରିବେ , ଲେଖିବେ । ତାଙ୍କ ପକ୍ଷେ ସମୟ ଦେବା ସହଜ ହେବ ।
ମୁଁ ଜାଣିବାରେ ସୁବାସ ସାର କେତେକ ଅବସର ନେଇଥିବା ଶିକ୍ଷିତ ବ୍ୟକ୍ତିଙ୍କୁ ଯୋଗାଯୋଗ କରିଛନ୍ତି ଓ ସଫଳ ହେଇନଥିଲେ ମଧ୍ୟ ସେ ନିଜ ଚେଷ୍ଟା ଜାରି ରଖିଛନ୍ତି ।
  • ମୋ ନିଜ କଥା, ମୁଁ ଉଇକିରେ ନ ଲେଖିଲେ ମଧ୍ୟ ମୋର ବହୁତ କାମ ରହୁଛି
ଉଇକିରେ ଅବଦାନ କରିବା କୌଣସି ଉଇକିଆଳିଙ୍କ ମୂଳ କାମ ନୂହେଁ, ସମସ୍ତେ ନିଜ ନିଜ ବ୍ୟସ୍ତବହୁଳ କର୍ମମୟ ଜୀବନରୁ କିଛି ସମୟ ବାହାର କରି ଉଇକି ସମ୍ପାଦନା କରିଥାନ୍ତି ।
  • ଓଡ଼ିଆ ଭାଷା ପାଇଁ କିଛି ଅବଦାନ ଦେଇ ପାରିବି ଉଇକି ରେ ଲେଖା ଦେଇ ବୋଲି...
ଓଡ଼ିଆ ଭାଷା ନିମନ୍ତେ କିଛି କରିବାର ଆଗ୍ରହ ଥିବାରୁ ହିଁ ଓଡ଼ିଆ ଉଇକିଆଳିମାନେ ଏକତ୍ରୀତ ହେଇ ବିଭିନ୍ନ ଉଇକିମିଡ଼ିଆ ପ୍ରକଳ୍ପକୁ ସମୃଦ୍ଧ କରୁଛନ୍ତି ଏଥିରେ ଦ୍ୱିମତ ନାହିଁ
  • ଅନ୍ୟ ଲେଖା ରେ ବନାନ ଗତ ତ୍ରୁଟି ସେହି ସମ୍ପାଦକ ମାନେ ସୁଧାରୀ ଦେଇଥାନ୍ତି
ଓଡ଼ିଆ ଉଇକିରେ ମଧ୍ୟ ଢାଞ୍ଚାଗତ/ ବନାନଗତ ତୃଟିକୁ ଅନେକ ପୁରୁଖା ଉଇକିଆଳି ନିଜ ନିଜର ସୁବିଧା ଅନୁସାରେ ସଂଶୋଧନ କରୁଅଛନ୍ତି ।

ପୁଣିଥରେ ଆପଣଙ୍କ ନିରନ୍ତର ଅବଦାନ ନିମନ୍ତେ ସାଧୁବାଦ ଜଣାଇ ରହୁଛି । --ମୃତ୍ୟୁଞ୍ଜୟ କର (ମୋ ଆଲୋଚନା) ୧୮:୧୬, ୩ ଅପ୍ରେଲ ୨୦୧୭ (IST)

ଶ୍ରର୍ଧେୟ ମୃତୁଞ୍ଜୟ ବାବୁ ,[ସମ୍ପାଦନା]

ମୋତେ ଉଇକି ରୁ ବ୍ଲକ କରାଯାଇଛି କି ? କାରଣ ମୁ ମୋ ପ୍ରୁଷ୍ଠା ଖୋଲି ମୁ କରିଥିବା ଅନୁବାଦ ଦେଖି ପାରୁନାହିଁ । anyway ବହୁତ ବହୁତ ଧନ୍ୟବାଦ । Susant purohit (ମୋ ଆଲୋଚନା) ୧୧:୫୭, ୨୩ ଅପ୍ରେଲ ୨୦୧୭ (IST)

ପ୍ରିୟ ସୁଶାନ୍ତ ସାର, ଆପଣଙ୍କୁ ଉଇକିରେ ଅଟକ (ବ୍ଳକ) କରାଯାଇନି । ମନ ଇଚ୍ଛା କୌଣସି ବ୍ୟବହାରକାରୀଙ୍କୁ ଅଟକାଯାଏ ନାହିଁ ଏଥି ନିମନ୍ତେ ଅନେକ ଗୁଡ଼ିଏ ନୀତି ପାଳନ କରାଯାଏ । ଅଟକାଯାଉଥିବା ବ୍ୟବହାରକାରୀଙ୍କୁ କାହିଁକି ଅଟକ କରାଯାଉଛି/ କରାଯିବ ସେ ବାବଦରେ ସ୍ପଷ୍ଟ ସୂଚନା ପୂର୍ବରୁ ଦିଆଯାଏ । ଆପଣଙ୍କୁ ଅଟକ କରିବା ଭଳି କୌଣସି କାମ ଆପଣ କରିନାହାନ୍ତି ତେଣୁ ଆପଣଙ୍କୁ ଅଟକ କରିବାର ପ୍ରଶ୍ନ ଉଠୁନି । ଆପଣଙ୍କ ନିରନ୍ତର ଅବଦାନ ନିମନ୍ତେ ସାଧୁବାଦ ଜଣାଇ ରହୁଛି । --ମୃତ୍ୟୁଞ୍ଜୟ କର (ମୋ ଆଲୋଚନା) ୨୩:୨୦, ୨୩ ଅପ୍ରେଲ ୨୦୧୭ (IST)-

Bhubaneswar Heritage Edit-a-thon starts with great enthusiasm[ସମ୍ପାଦନା]

Bhubaneswar Heritage Edit-a-thon poster.svg

Hello,
Thanks for signing up as a participant of Bhubaneswar Heritage Edit-a-thon (2017). The edit-a-thon has started with great enthusiasm and will continue till 10 November 2017. Please create/expand articles, or create/improve Wikidata items. You can see some suggestions here. Please report you contribution here.

If you are an experienced Wikimedian, and want to lead this initiative, become an ambassador and help to make the event a bigger success.

Thanks and all the best. -- Titodutta using MediaWiki message delivery (ମୋ ଆଲୋଚନା) ୨୩:୩୫, ୧୪ ଅକ୍ଟୋବର ୨୦୧୭ (IST)

You are getting this message because you have joined as a participant/ambassador. You can subscribe/unsubscribe here.

Nonsense userpage[ସମ୍ପାଦନା]

Hello MKar! I am administrator on Wikmedia Commons. I just deleted a lot of selfies which have been linked to a userpage here: ବ୍ୟବହାରକାରୀ:Gopi einstein. You probably want to delete the rest of the page. I wouldn't have deleted one or two photos if the user would have worked on something else. Calling himself the best scientist and a physician doesn't really count :-))) Just wanted to let you know. Let me know if I can be of any help on my talk on Commons. Cheers! --Hedwig in Washington (ମୋ ଆଲୋଚନା) ୧୮:୦୫, ୩୦ ଅକ୍ଟୋବର ୨୦୧୭ (IST)

Bhubaneswar Heritage Edit-a-thon Update[ସମ୍ପାଦନା]

Hello,
Thanks for signing up as a participant of Bhubaneswar Heritage Edit-a-thon (2017). The edit-a-thon has ended on 20th November 2017, 25 Wikipedians from more than 15 languages have created around 180 articles during this edit-a-thon. Make sure you have reported your contribution on this page. Once you're done with it, Please put a YesY mark next to your username in the list by 10th December 2017. We will announce the winners of this edit-a-thon after this process.-- Sailesh Patnaik using MediaWiki message delivery (ମୋ ଆଲୋଚନା) ୨୩:୦୦, ୪ ଡିସେମ୍ବର ୨୦୧୭ (IST) You are getting this message because you have joined as a participant/ambassador. You can subscribe/unsubscribe here.

ଶାଢ଼ୀ[ସମ୍ପାଦନା]

ଏବେ ପାଇଁ ଏଇଠି User:MKar/ଶାଢ଼ୀ ରହିଲା । ପରେ ମୁଖ୍ୟ Namespaceକୁ ନେବା । -- ଅଂଶୁମାନ ତାର ଯୋଡ଼ିବେ? ୧୮:୦୬, ୪ ମାର୍ଚ୍ଚ ୨୦୧୮ (IST)